من التراث القديم لخالتي بهيه

تقليص
X
تقليص
 
  • الصفحة لـ 2
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 template التالي
  • mmogy
    كاتب
    • 16-05-2007
    • 11282
    #1

    من التراث القديم لخالتي بهيه

    من التراث القديم لخالتي بهيه

    وتشوف حكمت ماشيه
    ولابسه الكم أصير
    تقول لإخوانك بصوا
    وشها من البوهيا مجير
    يمكن أخوها آآعد جنبك
    يديك ضربة تييجي في ألبك
    تئذى نفسك ليه
    وعليك من دا بإيه
    أما رزاله أم براده حاشر نفسك ليه






    البوهيا = البويه
    وشها = وجهها
    أصير = قصير
    مجير = مدهون بالجير
    ألبك = قلبك
    تئذي = تؤذي
    إنْ أبْطـَأتْ غـَارَةُ الأرْحَامِ وابْـتـَعـَدَتْ، فـَأقـْرَبُ الشيءِ مِنـَّا غـَارَةُ اللهِ
    يا غـَارَةَ اللهِ جـِدّي السـَّيـْرَ مُسْرِعَة في حَلِّ عُـقـْدَتـِنـَا يَا غـَارَةَ اللهِ
    عَدَتِ العَادونَ وَجَارُوا، وَرَجَوْنـَا اللهَ مُجـيراً
    وَكـَفـَى باللهِ وَلـِيـَّا، وَكـَفـَى باللهِ نـَصِيراً.
    وَحَسْبُنَا اللهُ وَنِعْمَ الوكيلُ, وَلا حَوْلَ وَلا قُوَّةَ إِلاّ بِاللهِ العَلِيِّ العَظِيمِ.
    الكلمات الدلالية (Tags): لا يوجد
  • بنت الشهباء
    أديب وكاتب
    • 16-05-2007
    • 6341
    #2
    والله حكايات خالتك بهية لتحفة
    يا أستاذنا
    محمد شعبان الموجي

    أكيد في بينك وبين خالتك بهية سر , وياريت نعرفه حتى نعرف شلون نتعامل معها ...
    ممكن تكون بهية راحت للمدينة حتى تشتري البويا وتخبي عيوبها وتظهر أمام الضيوف وجوزها بأنها جميلة وتشبه فطوم المغربية ...


    المدينة : هي سوق في حلب ومشهور

    أمينة أحمد خشفة

    تعليق

    • mmogy
      كاتب
      • 16-05-2007
      • 11282
      #3
      المشاركة الأصلية بواسطة بنت الشهباء مشاهدة المشاركة
      والله حكايات خالتك بهية لتحفة
      يا أستاذنا
      محمد شعبان الموجي

      أكيد في بينك وبين خالتك بهية سر , وياريت نعرفه حتى نعرف شلون نتعامل معها ...
      ممكن تكون بهية راحت للمدينة حتى تشتري البويا وتخبي عيوبها وتظهر أمام الضيوف وجوزها بأنها جميلة وتشبه فطوم المغربية ...


      المدينة : هي سوق في حلب ومشهور
      أهلا بنوارة حلب .. إبنة الشهباء

      خالتي بهية شخصية ظريفة جدا تأخذ كل شىء فى الدنيا ببساطه .. وتعالج الخطأ بحكمة .. وهنا هى تريد أن تقول للرجل اللى عامل نفسه مصلح اجتماعي .. وهو اصلا فاسد .. خليك فى حالك واحذر من عاقبة الأمر .

      وأما البويا .. فهي طبعا تقصد كريم الأساس ههههههههههههههههههه

      شكرا
      إنْ أبْطـَأتْ غـَارَةُ الأرْحَامِ وابْـتـَعـَدَتْ، فـَأقـْرَبُ الشيءِ مِنـَّا غـَارَةُ اللهِ
      يا غـَارَةَ اللهِ جـِدّي السـَّيـْرَ مُسْرِعَة في حَلِّ عُـقـْدَتـِنـَا يَا غـَارَةَ اللهِ
      عَدَتِ العَادونَ وَجَارُوا، وَرَجَوْنـَا اللهَ مُجـيراً
      وَكـَفـَى باللهِ وَلـِيـَّا، وَكـَفـَى باللهِ نـَصِيراً.
      وَحَسْبُنَا اللهُ وَنِعْمَ الوكيلُ, وَلا حَوْلَ وَلا قُوَّةَ إِلاّ بِاللهِ العَلِيِّ العَظِيمِ.

      تعليق

      • د/ أحمد الليثي
        مستشار أدبي
        • 23-05-2007
        • 3878
        #4
        يا بهية اتلمـي شويّـة
        احتشمي يا ناصبة الخيّة
        هو انا ناقص بسلامتك
        ما انا عندي اربعة يا ولية!

        وشِّك أحمـر كاروهات
        حطَّالي كـريم وبويات
        وشانيل أبو ألف جنيـه
        بوظوا عندي الأساسات.

        يستر عرضك وقوامـك
        أنا هامشي أهوه قدامك
        أخرتي هتكون على إيدك
        لو بحلقت في أقدامـك.

        استـرها معايا يا ستـار
        واخداني من الدار للنـار
        يا بهية كفاية أبوس إيدك
        لأَّه، أنا قصدي هـزار

        هو انتِ ما صدَّقْتِ أقولها
        غلطة، ومش رايح اعيدها
        والله ده شغـل النساوين
        ما في كيدة إلا وبتكيدها

        حد يشوف لنـا كده صرفة
        مش نافع بقى شُـرب القرفة
        دي بهيـة وراسمـاها عليَّـا
        خطـة بـس بـدون زفّـة.

        آدي رُكَبي سابت ومافيش
        في دماغي غير فكرة طيش
        ما انا برضه دم وأعصاب
        يا تلحقوني، يا ماتلحقونيش.
        د. أحمد الليثي
        رئيس الجمعية الدولية لمترجمي العربية
        ATI
        www.atinternational.org

        تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
        *****
        فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

        تعليق

        • mmogy
          كاتب
          • 16-05-2007
          • 11282
          #5
          حضرتك هاجمت خالتي بهية الناصح الأمين .. وياما في الحبس مظاليم .. وتناسيت حكمت اللى كانت سبب كل البلاوي

          عموما ننتظر محاميي المتهمة حكمت .. والملتقى يستدعي للدفاع عنا مؤقتا الأستاذة رزان محمد
          وسيتم استدعائها على الفور .. لأن هذا من تقاليد الملتقى .

          وأما خالتي بهية فأعتقد أن الإعتذار لها واجب وياما في الحبس مظاليم .

          شكرا
          إنْ أبْطـَأتْ غـَارَةُ الأرْحَامِ وابْـتـَعـَدَتْ، فـَأقـْرَبُ الشيءِ مِنـَّا غـَارَةُ اللهِ
          يا غـَارَةَ اللهِ جـِدّي السـَّيـْرَ مُسْرِعَة في حَلِّ عُـقـْدَتـِنـَا يَا غـَارَةَ اللهِ
          عَدَتِ العَادونَ وَجَارُوا، وَرَجَوْنـَا اللهَ مُجـيراً
          وَكـَفـَى باللهِ وَلـِيـَّا، وَكـَفـَى باللهِ نـَصِيراً.
          وَحَسْبُنَا اللهُ وَنِعْمَ الوكيلُ, وَلا حَوْلَ وَلا قُوَّةَ إِلاّ بِاللهِ العَلِيِّ العَظِيمِ.

          تعليق

          • د/ أحمد الليثي
            مستشار أدبي
            • 23-05-2007
            • 3878
            #6
            لأ يا أستاذ محمد، معلهش بقى، أنا ماليش دعوة بخالتك (حفظ الله تراثها). أنا باتكلم عن بهية بنت الجيران. والا هو يعني الإسم محجوز ليكم بس؟
            وبعدين حكمت دي، أنا ماشفتهاش. ومش من بقية العيلة، يعني لا مؤاخذة ما تخصناش. احنا لينا بنات حتتنا وبس.
            د. أحمد الليثي
            رئيس الجمعية الدولية لمترجمي العربية
            ATI
            www.atinternational.org

            تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
            *****
            فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

            تعليق

            • سميرة ابراهيم
              عضو الملتقى
              • 02-12-2007
              • 861
              #7
              د/ أحمد الليثي شكلهم مش حيلحقوك

              عشان كانوا مشغولين بخالتي بهية وحكمت

              وبعديها استدعوا فطوم المغربية

              وفي الاخير لاقوا ان من الواجب استدعاء محامي حكمت

              بس أكيد نسيوا الاسعاف للدكتورأحمد

              واللا اقولك ما انت دكتور عالج نفسك أحسن لك


              حكمت دي مسكينة

              كل اللي عملته انها شافت حالها

              وعملت إعادة هيكلة لنفسها

              أحسن ما القطر يفوتها

              بس تقول ايه في اللي عينه زايغة

              ومش قادر يغض النظر

              وشكله مش حيجيبها لبر

              لغاية ما عم حكمت يديه قلم على وشه

              ويقلع عينيه من راسه

              مشكورة خالتي بهية اللي لسه محافظة على التراث
              [bor=009959]
              _((ما هموني غير الرجال إلَى ضَاعـُو لْحْيُوط إلى رَابُو كُلّها يَبْنِي دَار))_


              /// كنت هنا ولم أعد...///

              [/bor]

              تعليق

              • mmogy
                كاتب
                • 16-05-2007
                • 11282
                #8
                ياسميرة ياختي احنا فى حرب حقيقية مع حكمت واخواتها .. وليت الأمر وقف عند حدود البويه .. طبعا الكلام دا كان قديم يعنى قبل البلاوي اللى بتفرض نفسها علينا .. أنا بقول بلاوي حكاية عن الحكومة .. اللى دايما تسمى الحاجات الحلوا دي بلاوي هههههههه

                المهم غض البصر أو النظر .. دا حسب تفسيري يكون في مجتمع ملتزم .. فلا يحاول الإنسان أن يدقق ويبحلق .. فيمن اتخذت من ثيابها سترا وحجابا عن العيون .. لكن زى ماأنت شايفه كل شىء على عينك ياتاجر .. يعني حنغض على ايه ولا ايه ولا ايه .. وعلى رأي واحد قال يباح النظر لأنه يخشى أن يكون القادم أسدا .

                وبعدين ليه حكمت واخواتها يحاولن إعادة الهيكلة .. مع علمهن إن فيه عيون جائعة .. فأين تكمن النية الصالحة فى مثل هذه الأزياء المجنونة ؟؟؟؟

                شكرا
                إنْ أبْطـَأتْ غـَارَةُ الأرْحَامِ وابْـتـَعـَدَتْ، فـَأقـْرَبُ الشيءِ مِنـَّا غـَارَةُ اللهِ
                يا غـَارَةَ اللهِ جـِدّي السـَّيـْرَ مُسْرِعَة في حَلِّ عُـقـْدَتـِنـَا يَا غـَارَةَ اللهِ
                عَدَتِ العَادونَ وَجَارُوا، وَرَجَوْنـَا اللهَ مُجـيراً
                وَكـَفـَى باللهِ وَلـِيـَّا، وَكـَفـَى باللهِ نـَصِيراً.
                وَحَسْبُنَا اللهُ وَنِعْمَ الوكيلُ, وَلا حَوْلَ وَلا قُوَّةَ إِلاّ بِاللهِ العَلِيِّ العَظِيمِ.

                تعليق

                • د/ أحمد الليثي
                  مستشار أدبي
                  • 23-05-2007
                  • 3878
                  #9
                  المشاركة الأصلية بواسطة سميرة مشاهدة المشاركة
                  د/ أحمد الليثي شكلهم مش حيلحقوك

                  عشان كانوا مشغولين بخالتي بهية وحكمت

                  وبعديها استدعوا فطوم المغربية

                  وفي الاخير لاقوا ان من الواجب استدعاء محامي حكمت

                  بس أكيد نسيوا الاسعاف للدكتورأحمد

                  واللا اقولك ما انت دكتور عالج نفسك أحسن لك


                  حكمت دي مسكينة

                  كل اللي عملته انها شافت حالها

                  وعملت إعادة هيكلة لنفسها

                  أحسن ما القطر يفوتها

                  بس تقول ايه في اللي عينه زايغة

                  ومش قادر يغض النظر

                  وشكله مش حيجيبها لبر

                  لغاية ما عم حكمت يديه قلم على وشه

                  ويقلع عينيه من راسه

                  مشكورة خالتي بهية اللي لسه محافظة على التراث
                  حتى أنت يا أستاذة سميرة؟
                  وبعدين دي مش كلامي، ده كلام الواد زينهم ابن أبو زينهم. قال الكلمتين وطفش من غير ما يقول راح فين. ومن ساعتها واحنا بندور عليه. حتى عملنا حراسة على بيت البت بهية علشان لو قرب من هناك نطبق في زمارة رقبته. هو احنا ناقصين مصايب. والداهية إن ممكن يكون روح البيت رمى يمين طلاق على واحدة من ستاته، وناوي يبوس إيد بهية، اقصد يطلب إيد بهية.

                  وبعدين يغض البصر مين؟ لما هي كانت تستر نفسها الأول كنا نقول له اتلم لنبظظ حبابي عنيك. إنما هي تمشي على حل شعرها ونقول للتيس ده "غض". ده لولا الملامة كنا دبحناها في الشارع. قال بطلوا ده واسمعوا ده. قال غض قال. خلِّي العينة دي م الستات تتلم الأول، وبعدين الراجل اللي ما يغض ليكي عليَّا أنفيه لبلاد الواء الواء، يشتغل مربية أطفال هناك.

                  ودُمدُم سالمين.
                  د. أحمد الليثي
                  رئيس الجمعية الدولية لمترجمي العربية
                  ATI
                  www.atinternational.org

                  تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
                  *****
                  فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

                  تعليق

                  • عفت عزيز
                    عضو الملتقى
                    • 31-01-2008
                    • 299
                    #10
                    الاالاستاذ / محمد شعبان

                    خالتك بهيه فكرتني بخالة والدي بهانه

                    شوف الفكره جميلة جدا لكن هن عذرهن الجهل

                    الان النساء والرجال يفكرون بطريقة خالتي وخالتك وتسأل نفسك احيانا كيف واين ذهب التعليم

                    يعيدون للخلف ويفكرون بنفس الفكر وأسواء كمان

                    خفه الظل احلي مافي الكلمه

                    وحضرتك عاوووووز تقول ايه ؟؟ مش كده ولا ايه

                    فكره حلوه أه لو تتسع في مواضوعات مختلفه ونشوف حكمت بتفكر ازاي وبهيه وبهانه بيفكروا ازاي

                    لكن بهيه وبهانه العصر الحديث

                    حقيقي سعيدة بفكرتك خفيفة الظل
                    [ALIGN=CENTER][TABLE1="width:95%;background-image:url('http://www.almolltaqa.com/vb/mwaextraedit2/backgrounds/4.gif');background-color:deeppink;"][CELL="filter:;"][FONT=Diwani Letter][SIZE=6][COLOR=darkblue][ALIGN=center]القمــــــــر صديقــــــي الأبـــــــــدي[/ALIGN][/COLOR][/SIZE][/FONT][/CELL][/TABLE1][/ALIGN]

                    تعليق

                    • mmogy
                      كاتب
                      • 16-05-2007
                      • 11282
                      #11
                      المشاركة الأصلية بواسطة عفت عزيز مشاهدة المشاركة
                      الا

                      الاستاذ / محمد شعبان

                      خالتك بهيه فكرتني بخالة والدي بهانه

                      شوف الفكره جميلة جدا لكن هن عذرهن الجهل

                      الان النساء والرجال يفكرون بطريقة خالتي وخالتك وتسأل نفسك احيانا كيف واين ذهب التعليم

                      يعيدون للخلف ويفكرون بنفس الفكر وأسواء كمان

                      خفه الظل احلي مافي الكلمه

                      وحضرتك عاوووووز تقول ايه ؟؟ مش كده ولا ايه

                      فكره حلوه أه لو تتسع في مواضوعات مختلفه ونشوف حكمت بتفكر ازاي وبهيه وبهانه بيفكروا ازاي

                      لكن بهيه وبهانه العصر الحديث

                      حقيقي سعيدة بفكرتك خفيفة الظل
                      استاذتنا المبجلة .. عفت عزيز

                      سعيد والله بهذا الإطراء .. وإن شاء الله أوعدك أول مانخلص على حكمت .. سننتقل لموضوع آخر من تراث خالتي بهية ههههههههه

                      شكرا لتواجدك المضىء
                      إنْ أبْطـَأتْ غـَارَةُ الأرْحَامِ وابْـتـَعـَدَتْ، فـَأقـْرَبُ الشيءِ مِنـَّا غـَارَةُ اللهِ
                      يا غـَارَةَ اللهِ جـِدّي السـَّيـْرَ مُسْرِعَة في حَلِّ عُـقـْدَتـِنـَا يَا غـَارَةَ اللهِ
                      عَدَتِ العَادونَ وَجَارُوا، وَرَجَوْنـَا اللهَ مُجـيراً
                      وَكـَفـَى باللهِ وَلـِيـَّا، وَكـَفـَى باللهِ نـَصِيراً.
                      وَحَسْبُنَا اللهُ وَنِعْمَ الوكيلُ, وَلا حَوْلَ وَلا قُوَّةَ إِلاّ بِاللهِ العَلِيِّ العَظِيمِ.

                      تعليق

                      • سميرة ابراهيم
                        عضو الملتقى
                        • 02-12-2007
                        • 861
                        #12
                        صحيح كله على عينك يا تاجر

                        بس احنا مسالناش نفسنا ليه كله بقا على عنيك يا تاجر

                        لأن الواد زينهم ابن ابوزينهم هو اللي علم بهية وأخواتها تشتري البويا

                        وتتمشى في الشارع بنص كوم ومعندهاش دم

                        ماكانت الست بهية واخواتها عايشين في بيوتهم متستتين كافين خيرهم شرهم

                        راضيين باللي يجيبه زينهم والسي سيد

                        مين اللي قال لا ؟؟ مش زينهم واخوانه

                        مين اللي علم البنات يلبسوا نص كوم ؟؟ مش الازياء والموضة

                        ومين اللي اخترع الازياء ؟؟ مش زينهم

                        ومين اللي عايز يفتخر بمراته جنبه ويخرج هو وياها ؟؟ مش زينهم ؟؟

                        ومين اللي عايز بهية وحكمت تكون على سنجة عشرة

                        ومين ......


                        وبعدين ما هو زينهم حتى لو لبسناله العباية راح يبصبص

                        بس حلوة منكم سرعة الرد شكلكم هههههههههههه شايلين مني ههههه قصدي من بهية
                        [bor=009959]
                        _((ما هموني غير الرجال إلَى ضَاعـُو لْحْيُوط إلى رَابُو كُلّها يَبْنِي دَار))_


                        /// كنت هنا ولم أعد...///

                        [/bor]

                        تعليق

                        • د/ أحمد الليثي
                          مستشار أدبي
                          • 23-05-2007
                          • 3878
                          #13
                          المشاركة الأصلية بواسطة سميرة مشاهدة المشاركة
                          صحيح كله على عينك يا تاجر

                          بس احنا مسالناش نفسنا ليه كله بقا على عنيك يا تاجر

                          لأن الواد زينهم ابن ابوزينهم هو اللي علم بهية وأخواتها تشتري البويا

                          وتتمشى في الشارع بنص كوم ومعندهاش دم

                          ماكانت الست بهية واخواتها عايشين في بيوتهم متستتين كافين خيرهم شرهم

                          راضيين باللي يجيبه زينهم والسي سيد

                          مين اللي قال لا ؟؟ مش زينهم واخوانه

                          مين اللي علم البنات يلبسوا نص كوم ؟؟ مش الازياء والموضة

                          ومين اللي اخترع الازياء ؟؟ مش زينهم

                          ومين اللي عايز يفتخر بمراته جنبه ويخرج هو وياها ؟؟ مش زينهم ؟؟

                          ومين اللي عايز بهية وحكمت تكون على سنجة عشرة

                          ومين ......


                          وبعدين ما هو زينهم حتى لو لبسناله العباية راح يبصبص

                          بس حلوة منكم سرعة الرد شكلكم هههههههههههه شايلين مني ههههه قصدي من بهية
                          بقى الحكاية كده؟ كله من زينهم بن أبو زينهم؟
                          طب عليكي بقى وقراية مقالي اليوم بعنوان "عيد نسوان سعيد عليكن" في باب المقالات، أو المدونة، وهتعرفي أيه حقيقة الموضوع ده. قال زينهم هو السبب قال؟ يا قاعدين يكفيكو شر الجايين.
                          د. أحمد الليثي
                          رئيس الجمعية الدولية لمترجمي العربية
                          ATI
                          www.atinternational.org

                          تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
                          *****
                          فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

                          تعليق

                          • سميرة ابراهيم
                            عضو الملتقى
                            • 02-12-2007
                            • 861
                            #14
                            هههههههههههه

                            في الانتظار

                            منكم نستفيد يا دكتور

                            ومن شر الجايين نكسب مقالة من الدكتور


                            في انتظار كشف الستار عن الحقيقة
                            [bor=009959]
                            _((ما هموني غير الرجال إلَى ضَاعـُو لْحْيُوط إلى رَابُو كُلّها يَبْنِي دَار))_


                            /// كنت هنا ولم أعد...///

                            [/bor]

                            تعليق

                            • الشربينى خطاب
                              عضو أساسي
                              • 16-05-2007
                              • 824
                              #15
                              [align=center]وبهية في الثراث
                              كما إزييس أسطورة
                              قال التاريخ عنها
                              رمز الوفاء والعفة
                              علي ضفاف النيل
                              رسم لها صورة
                              رمز وعنوان بلدنا
                              كما قال عن ياسين
                              كان جوز وحبيب خالتنا
                              ما تقولوا يا شمتانيين
                              ويا فالح انت وهي
                              من اللي قتل يا سين
                              قتلوه عيون الصبايا
                              ولا َّ عيون بهية                               00!!؟                               [/align]

                              تعليق

                              السابق 1 2 template التالي

                              ما الذي يحدث

                              تقليص

                              الأعضاء المتواجدون الآن 80326. الأعضاء 4 والزوار 80322.

                              أكبر تواجد بالمنتدى كان 409,257, 10-12-2024 الساعة 06:12.

                              يعمل...
                              X