اييييييييييييييييييييييييه يا نجم الشعر العامي اييييييييييييييييييييه
جميل والله يا أخي الفاضل ورائع
ولكن فيه بعض الكلمات يمكن تكون بها أخطاء كيبوردية والله اعلم مثل :-
قوم شاركونا انت وهي ، يهيأ لي انها ( قوم شاركنا ... )
ألميت : ( الميت )
هاتاكل ضرب يسوي عجول : مش عارف مش راكبة معايا ليه العبارة دي ، هو الضرب هو اللي بيسوي العجول ولا النار اللي بتسويها ؟ ، احتمال أكون مش عارف اقرأها .
أسس حزبك تحت عينيا ، ولا ( أسس حزبك تحت عنينا ) ، يمكن عشان القافية ؟
شكرا أستاذي العزيز ودمت بخير

الاستاذ الفاضل / عبد العزيز عيد
اولا شكراً لمرورك
اما بالنسبه للاخطاء فعلا ..قوم شاركونا .. هى كانت قوموا شاركونا
اما بالنسبه لاسس حزبك تحت عنيا هى الافضل كلغه عاميه يعنى لا عينيا ولا عنينا كما قلت
اما بالنسبه لضرب يسوى عجول فلا ادرى ان كنت تمزح ام ماذا فمن المعلوم ف اللغه الدارجه ( العاميه يعنى ) بيقولوا فلان استوى م الضرب
يعنى اكل ضرباً شديداً وصل الى حد انه استوى ونضج كما ينضح اللم ف القدر وهى كنايه عن شدة الضرب
عموما مرورك اسعدنى واتمنى ان اراك هنا دائماً وارى تعليقاتك
دمت بود

يا خال جمعة يا ديمو قر ا طى
سمعنى وقول

فينك يا وطن يا مطنطن
تفوق من نومك اللى مسلطن
حتقولى نايم على حضارتى
وسبع تلاف سنة فى حضانتى
يا حبيب سيب الحضانة
دا الشعب جاله المرارة
الواد درويش المدهول
نزل يوم للحارة
وكان فى ايده زمارة
الباشا الملهم بسلمته
لم جنوده الجبارة
وعمل كردون على الحارة
وسؤال للجار والجارة
بعصاية وبلغة وهراوة
حارة تنظيم الزمارة
ومعايا لمسألتكوا أمارة
الواد درويش والزمارة
عاوزين تعملوا لنا غارة
وتصحوا سكان المغارة
والله يابيه احنا غلابة
وبنكمل عشانة ندابة
وان كانت زمارة تزعلك
نكسرها ونرضى جنابك
على السجن يا واد انت وهو
كمان وياهم يا وليه
يا بيه نجيب محامى
كمان بتكلمنى بصوت عالى
اكتب كمان يا شويش
بيزعق بكلامه القبيح
وعاوز حقوق الانسان
وهو احنا بنتبلى عليه
دا واد خاين وجبان
ولازم يتعلم الالتزام
ليصحى باقى الحقوقية
وسلام كبير يا ديمقراطية


دام ابداعك أستاذى
عيد

الاستاذ / الخليل عيد
ايه الحلاوه دى يا عم عموما مرورك اسعدنى
دمت ودام مرورك

صناديقنا فيها العجب
فيها تلاقي كتير
يمكن تلاقي ولد
أو تلقى بغل كبير
أو شحط منو البلد
زهقت تقول تغيير
أو ميت حرامي برخص
أو ميت حمار و وزير
صناديقنا فيها العجب
و لا مرة تنصفنا
لو صدق فيها اتولد
راح يقتلوا التزوير

الاستاذ / عصام بدير حسن
مرورك ومداخلتك رائعه جدا دمت ودام مرورك العطر

[align=center]
ليلى
سوق الهبل
فارشين بضاعته ع الرصيف
دوّر و نقّى أشترى
سوق الهبل
أفتح بيبان الفنتزه
يخرجلك المجنون ف عينه مية سؤال
ليه أنت كانت ليلى فى عنيك ممكنه
من أمتى كانت ليلى فى عنيها احتمال
خبّط
على باب المسافه ما بين عنيها وبسمتك
تلقاك سراب
بسّ ليلى مش بتحلم بالعطش
مين اللى قال عن ليلى لحن و أغنيه
ليلى بداية نزف جرحك و الصديد
ليلى بتخزى و تختشى
ليلى اللى تفكيرها بليد
حبّت تدارى جرحها
شقّت حلوق العطشانين
نشفت فإيدنا الخضره
صبحت ناى حزين
نشفت ف إيدنا الخضره يا مصر و خلاص
نشفت ف إيدنا الخضره
واحنا المجروحين
ملعونه ليلى
ملعونه ليلى و شكوتى ملعونه
ملعونه ليلى
لو نسمّيها الوطن
[/align][align=left]شعر / شاكر المغربى[/align]