من ديوانى الجديد

( حالة صرع )
ــــــــــــــــــــــــ

شكة دبوس

العم شكشك سرق رغيف
وخدله جانب ع الرصيف
ينأنأ يسقى من دمع عينه
على دنيا هان فيها الضعيف
وف لحظه شد إنتباهه
مشكله وسط الطريق
لقاها وحده شاكيه باكيه
مبهدله زى الرغيف
قالوا دى حالة إغتصاب
ساعة عصارى
والكل راوح ف الهم غاب
وع المغارب ووسط لمه
سمعت طفل بيتولد
وصرخته ماتقولش واء
قالت وباء
وألف لا للاغتصاب
ملاعين أبلسه
قلوب حجر
لا مش غجر
دول ألف مله ملهمش دين
وإحنا إله مفناش طخين
وأدينا شك............شك
ونمت حبه
صحيت على شد الرغيف
أتارينى هوا الطفل لما إتولد
سمونى شكشك ...؟
شديت أنا منى الرغيف
وكل ده أخدلى جانب م الاغتصاب
ف زويه جايفه مبهدله
فوق الرصيف


محمود سرحان

شاعر مصرى
بورسعيد