تويت
وشوش صفرا وشّداني
علي دوامه وخّداني
بتبِهِر عقلي وتفاخر
عيوني الواسعه مفتوحه
على الآخــــــــــــــــــــــر
وطول الوقت بسأل روحي
..
ياروحي قولي لي أنافين؟
ياروحي قولي لي أنافين؟
سمعت الفجر بّيأدن
وشُفت الكعبة جوه فانوس
غناوي وحوي ياوحوي
تلّف بنورها ياجماعه
أنا مهووووووس!
أبُص شمالي ويميني
وشوش صفــــــــــرا..
وكّف إيديها بسكوتة
تبيعلي وهيّ مبسوطة
وكان قلبي يُدق
بلهفه عالمصروف
ترجّع لي كتير باقي
يطيرالخـــــــــــــــوف
وتسألني ..
جاوبني بُسرعه ناقصك إيه؟
بأرخص سعر أصّدرلك
وإمتى وفين؟
يانايم لسه على حالك
يانورالعيـــــــــــــن!
وشوش صفرا
عينيها من وتر مشدود
تشّد الحيل مّكن وخيوط
عمل وكفاح
أمل بُركان بألف جناح
وشوش صفرا
عينيها من وتر مشدود
تشّد الحيل مّكن وخيوط
عمل وكفاح
أمل بُركان بألف جناح
وبتصّدرشعاع لصباح
وتتصّدرعلي العالم
خطوط إنتــــــــــــاج
خطوط إنتــــــــــــاج
تغّرقنا في بحر الجات
وتضحك ِمنا تدينا
ُطبل وصاجات!
ُطبل وصاجات!
إيدين بسكوتة
بتطّير رقابي الفقر
بتطّير رقابي الفقر
وتعلا فووووووق
تبّص لنا بنظرة صقر
تبّص لنا بنظرة صقر
فأرجع افتكر تاني
وأسأل روحي
ياروحي قوليلي أنا فين؟
يرد النخل من بلدي
ياحبة عيني ياولدي
يا مروي من حلاوة النيل
نسيتني خلاص؟
وإنتي كمان نسيتيني
وصّدرتيني للصيني
عشان أزرع كبد صيني
رخيص سعرُه هايحييني
-----
-----
وباحلف لك ياهبة النيل
هاييجي الدورعليكي يميل
تلاقي النيل هجر ّطميك
هرب منك..
بقي مراية
بقي مراية
وشوش صفـــــــــــــرا
بيتنفس
هوا صينــــــــــــــــــي!!
وفاء امين
هوا صينــــــــــــــــــي!!
وفاء امين
تعليق