( أنتيكه للبيع )
**********
ساعه عجيبه سته ف خمسه
وراكنه يابيه
مِلك سعادتك جوه عقارب
منتاش شارب
حاسب ناسب فُله يابيه
صفحه جديده
فيها ميت فهرس
كل دقيقه بربع جنيه
لامش فضه
وإن زودت هيبق جنيه
دهبى بيلمع وإن هرتلت
هتبقى ( بتمنع )
رزق سعادته
قرب جرب سُم العقرب
وادى الفهرس هاتقول إيه .......؟
إحتكارات على شىء متخاط
جوه القصر بفن يابيه ......؟
فى كام نمره تدفع تملى
كرش سيادتك
ليه متغاظ
خصخص
خصخص حبه وباظ
إشى حديد وأسمنت ونيله
وانت يابوى خدلك تعسيله
فيه ف الفهرس بنك سماد
حتى الزرع توائيه بطابور
خُش الدور
تدفع كام ........؟
كيلوا اللحمه بنص جنيه
وده من بره يدخل جوه
يبقى الكيلوا ؛ ينقص كيلوا
يُخش كلاب وحميـر حواليه ،
يطلع لنشـن أو بسطرمه
قل روزبيف تبقى نحيف ........؟
قرب جرب ساعه عجيبه
سته ف خمسه بتلاتين نيله
وركنه يابيه ركنه تقيله
فى ف الفهرس بنك قروض
أقُرض أرئض كام مليون
وإهرب تكسب البنبون
فيه تصاريح بدوار وعماير
سكن إزحم من دا كتير .......؟
شد فتيل
إهدم موت خف الزحمه
عندنا منهم ياإبنى كتير
تدفع كام عندى نيشان
تنزل يفطه تُخش لجان
تبقى كبير منتاش تعبان
ساعه عجيبه سته ف خمسه ؛
وركنه غريبه ؛
فى ف الفهرس عم حسونكل حَضر جا ن
فيه كهربته فيه الميه
فيه ف الخطه الميه الجايه
تنزل ساعه صُغـننه حبه دى بدخان
قرب تشرب حاسب تهرب
إلبس ياللا حزام متعان
وأوعه الخوزه هتبقى بلوظه .......؟
وأهى مصلحته ف فتح أزوزه
وأهى دى مناقصه ف برنجان
ساعه عجيبه بس لزيزه
أهى تسليه ولا الأفلام
فيه ف الفهرس حضر إدرس
درس خصوصى ؛
ف الزوغان فهرس بارد إيه مش عا جب
قرب جرب ساعه جنان ........؟
سته ف خمسه وركنه غريبه
ساعه ياعالم بالألوان
تدفع كام


محمود سرحان
شاعر مصرى