مقدمة
((كان يا ما كان كان ... كان فيه ولد مش بيعرف يختار دوره كويس))

قصيدة بعنوان((كان يا مكنش ))

مكنتشى اول مرة اشوف دموعى بتتزحلق على خدى فرحانه
وصوتها بيرن ف ودنى ((اكسر ورايا قله))
ولا حتى كانت اخر مرة اسمع فيها نبضات قلبى بتدشدش ف الايقاع
الحكاية كان ليها اصول:
واصولها غلفه الفلاش باك بايامه اللذيذه
ايام ما كانت ايدين الست الطيبة بطبطب على شعر الولد الناعم بحدوته
((كان يا ما كان))
كان فيه ولد اسمه الشاطر شريف ((عفوا من وجهة نظرى))
كان ديما بيخانق مع اصحابه ف الشارع عشان يفوز بدور الظابط
ف لعبة عسكر وحرامية
ونظرا لبراعته الشديدة ف طوى الشوارع ف ايديه كان بيلم كل العيال
من الحوارى ومن المتاهات
وكان يا ما كان تكبر الحوارى وتكبر المتاهات
ويكبر جواها العيال
وينكسر مبدأ الشرطى الخايب من اثر لعبة
((رفع القيم الثقيلة))
وميفوقشى غير على مرايته الموهبة بالكدب
واللى كانت بتغير عليه لدرجة انها بترسمه لنفسه بصورة
مزيفة
ميكتشفهاش غير ف اول قعدة مع عاشر بنت يبهرها
بثقافته ف التليفون
كان يا ما كان
كان فيه ولد معندوش
بق
ولا عين
ولا ودن
بس كان عنده
((قلب محشى حدوته))