يوم المسخره !!

**فوزي سليم بيترو** · 18-12-2010, 18:12

[align=center]
أيه يا أستاذ عادل ؟
هيَّ سحبة رِجْل ولاّ إيه ؟
من فضلك عايزين نقرأ القصيدة كاملة .
وتحياتي
فوزي بيترو
[/align]

**عادل موسى** · 22-12-2010, 06:12

عندك حق يا دكتور فوزي وادى باقي القصيدة ويا رب تعجبك
[align=center]
يوم المسخرة

اليوم ده يوم المسخرة
الشعب فيه بيرجع ورا
وبالمعالق والشوك
ياكل سيادته من ال.....
الصبح طالع على البلد
وادى العساكر والرتب واقفة بسلاحها مجنزره
ومرشحين حزب الحكومة بالسنج متعمره
والناخبين واقفين صفوف اشكال عجيبة ومنكره
اللى بايعها بنص قرش واللى بفرخة محمره
واللى ملوش فى اى حاجة واقف امير كده سكره
وفيه كتير ملايين يا اخويا شاريه دماغها مكبره
اليوم ده يوم المسخره
واهى نص ساعة وتتفتح جميع بيبان المندره
وفى اللجان صناديق قزاز قال ايه بقى مسنكره
جوه تلاقى اوراق كتير متعلمه ومتحضره
وجنبهم حبة ورق جاهزين كمان بالمسطره
واهى مسرحية .. تمثيلية .. اى حاجة منظره
اليوم ده يوم المسخره
بره الشوارع هتلاقيها متبهدله ومكسره
وكرامة الناس اللى فيها معروف كمان متبعتره
وسنان رجال اعمالها جاهزه لهم ومشرشره
والناس كمان فى بيوتها قرفانه قوى ومتكدره
حتى القلوب مبقتش صافيه ..بقت يا عينى معكره
وبره يصرخ مجذوب ببلده
والناس مهيش متأثره
يا بلدنا يللى ضايعه تمللى
والعـ .... عملك قنطره
ده اليوم ده يوم المسخرة
[/align]

**فوزي سليم بيترو** · 22-12-2010, 15:46

[align=center]
هوّ ده الكلام يا عادل
الله ينوّر عليك

مودتي
فوزي بيترو
[/align]

**شاكر المغربى** · 23-12-2010, 17:30

الله يعزّك
ضربت السهم ف قلب الجرح نزف أحزان
على شعب جبان

**عادل موسى** · 28-12-2010, 06:42

الله يخليك يا استاذ شاكر على كلمتك الاكثر من رائعة ..اسعدتنى للغاية

**عادل موسى** · 28-12-2010, 06:44

د. فوزي وينور عليك يا دكتور .. تقبل تحياتي

**د. نديم حسين** · 01-01-2011, 00:56

الأخ عادل موسى
قصيدة جميلة المضمون . لقد طرحت المشكلة ، ولكن إيه الحل حسب رأيك ؟
لم تتقبل ذائقتي الإيحاءات البذيئة في موقعين من القصيدة .
نتمنى أن تذكر وزن القصيدة .
مع خالص ودي .

**عادل موسى** · 01-01-2011, 14:01

د. نديم اشكرك على مرورك الكريم.. واعتقد ان القصيدة موزونة واذا اعتقدت بغير بذلك فهذا قد يرجع لتلك الاشكالية التى يعاني منها شعراء العامية وهى نطق الذي قد يختلف من شخص لاخر حسب قراءاته للشعر العامي، واعتقد ان هناك مؤتمر يقام الان يناقش فيه حل هذه الاشكالية بتوحيد العامية ونحن فى انتظار يا دكتور، عدا ذلك يمكننى ان قراءة القصيدة بنفسي لكم لتسهيل الاستيعاب .. دمت بود.

**د. نديم حسين** · 01-01-2011, 20:55

أخي المنتسب عادل موسى
برضك مصمم على الزعل والغضب . أنت تفسر كلماتي بشكل خاطئ يا أخي . لم أقل أن القصيدة غير موزونة !!!!! لقد قرأتها وأحببتها ولكن في موضعين اثنين أحسستُ بنشاز في الموسيقى . ولكي لا أظلم القصيدة طلبتُ من حضرتك إعلامي بالوزن لتفادي ما ذكرته حول اللهجات العامية والذي أعرفه منذ زمن بعيد . لسنا بحاجة لمؤتمرات لفهم العامية المصرية .
أرجوك أن تتقبل وتحترم مرور الآخرين على نصوصك ، دون رميهم بالصفات المهينة . وبدون أستذة .
لك محبتي واحترامي الشديد .

**عادل موسى** · 02-01-2011, 12:09

دكتور نديم .. معاذ الله ان ارمي احداً بصفات مهينة .. لكن اخيك المنتسب يا دكتور يرد على كلماتك حسب فهمه لها او حسب ما اشعر انه بين السطور، وارجوك ان لا تفهمنى بشكل خاطئ فانا بعيد كل البعد عن الغضب والزعل على العكس تماماً اشعر بسعادة فى تعليقات الاساتذة الحضور بشكل لا تتخيله، بخصوص الكلمتين المبهمتين فهما كما تصورت تماماً، لكنى اشعر ان سعادتكم لم تتحملوا النقد الذي وجهته من قبل لقصيدتكم ولذلك ارى بعض التحامل وهو تحامل غير كفوء من شاعر وناقد ورئيس ملتقى الديوان وبين اخ منتسب، تقبل تحياتي وارجو تتقبل كلماتي بود.

**الخليل عيد** · 22-01-2011, 09:55

قالوا لنا كتير ديمقراطية
وكرامة شريفة وحرية
ونزاهة نزيهة وشوقية
وزلابية وأم على ومهلبية
ولما حبوا يغيروا قالوا لنا
مصارحة ومكاشفة وشفافية

يوم المسخره !!

يوم المسخره !!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث