[rainbow]كان يا ما كان
كان فيه زمان
حب حقيقى
موش كلام
كان قلب ينبض
يكفى الأنام
كان بسمة واحدة
كان يا ما كان
كان فيه أخ
بمعنى الكلام
يحس بوجيعتى
من غير كلام
كان صمتى الحزين
يخليه ما ينام
كان يا ما كان
كان فيه زمان معنى الجيران
كنا فى حارتنا
واحنا صغار
كل البيوت بيتنا
كل طفل أخويا
كنا ناكل فى طبق واحد
وننام فى أى بيت
متعرفش الغنى من الفقير
ولا تشيل هم لبكرة
ولا تفكر فى هموم كتير
كان كل ستات الحارة
يجمعوا عند الفرن الكبير
يخبزوا لنا العيش
من القمح الكتير
كان كله إنتاج بلدنا
وطرح فى قلوبنا
حب الغير
كان يا ما كان
بتصحى معاها الألام
وتصحى أمل غايب
من زمان
وكان يا ما كان
كان فيه زمان برج حمام
يرفرف علينا حب وسلام
ولما انكسر البرج
طار الحمام
وطار معاه رمز الجمال
يا كل سكان حارتنا
اتلملموا وابنوا معايا
برج الحمام
رجعوا حمامكم اللى طار بعيد
وبقى غريب زى العبيد
رجعوا ايام زمان
وقولوا معايا إحنا النهار ده
زى زمان
[/rainbow]