تويت
المسأله
المسأله مش بس احساس بالبراءه
أو رغبه فى الشئ المحال
المسأله فى حرفين سؤال
هل ممكن الجى الغريب
يصبح قريب ويضمنى
والا المراد والمشتهى هيهدنى
ويردنى لصفر الطريق
المسأله مش لذه لحظة حلم
أو رغبه مكبوته
المسأله هقدر أكون
ولا جنون الحلم و الرغبات
مدخلنى ف شوارع سد
المسأله مش بنت
نظرتها و كلامها و حضنها والليل
المسأله فى الويل
لو افوق ف لحظه ألقاها مش حاسه
أو لسه
رغم طول الحلم و محاولة دخوله
لا حلمت صح
و لا حققت شيئ
المسأله لو افوق
شاكر المغربى