تويت
رمادى
أبيض بلون الميلاد ولعب الولاد
تحت المطر و الشمس
أسود بلون الحداد أو شهقة الخوف البكى
على بكره قبل الأمس
ورمادى بينهم غريب
مليان براءة وخبث
أبيض بتعشق و عشقك
زى الملايكه خفيف
أسود تخاف من عنيها و عليها
من قلبك الأشكيف
و رمادى بينهم مسافر
فى الصحرا وانت ضعيف
أبيض رمادى
أسود رمادى
مين علمك لعبة اللون و الرتوش
مين علمك تعشق ملايكه
أو تغنى لبنت بتحبك بجد بصوت نشاز
مين علمك تبنى بأديك الصرح
و تخاف م القزاز
مين علمك
غير دمعه فى عيون كنتها
أو سوسه فى العكاز
مين علمك غير الابيض المجنون
بداية سكه مزروعه احتمال
غير الاسود المفتون
بخنق ملايكة الروح و الجمال
و رمادى بينهم كئيييييب
زى السعر و السؤال
مين علمك تعشق
و طعم العشق فى الحلق انتظار
مين
شعر/ شاكر المغربى
تعليق