كني مع حرفك اذوق العقاقير
ويزول جرحي يالغلا كل ليله
مدري على كفك تلوح المقادير
ما اقول الا الله يسهل سبيله
و مدري حلم والابداية اساطير
والا نهاية تنتظرني جميلة
يجتاحني ياذوق نبضك اعاصير
وانتي على راسي وهمك اشيله
يا حٌسن حارت في قياسه معايير
لاهي شمس ولا قمر ذي قليلة
نوخت في دارك طوال المشاوير
واقسمت اتفيأ برمش ظليلة
ياوقت ما اقول اختلقت المعاذير
اهديتني وردة ونخلة كحيلة
ياكم تعشمت الصبر و الاعاصير
وضعت في همي ليالي طويلة
ياعطر من ريحه تغني القوارير
والله مافي الورد مثلك فسيلة
ولو يصف الحسن بعيني طوابير
ما امد يدي له ولاانا خليله
احترت اصف بعضك بكل التعابير
انتي الجمال اليوسفي مستحيلة
صالح العجمي