تويت
[FRAME="7 70"]
شــــــــــرنقه
للحزن طعم الوجع,
والوهم ضل الخوف.
جوايا بصة قلق
عنها الحجاب..مكشوف
بينى وبين ضحكتى ..
م الحزن فيه..
مسافات!
دارت سواقى الليل,
ماسألت كام..
مسافات؟
شرنقت خوفى بصمتى
يافكره ليه صمتى..
عن شهقة الآهات؟
ملح الحياه الاغتراب..
فتشت فى المجهول!,
سرسب نهار الصبا..
مالمحت ضى وصول,
موصول ياطول السفر
بالغربه والا حزان
ياصبح بكره..
- ان كان -
دبل جراح أمسى
أنا فرحى ملك الناس,
والجرح مالكنى
يامين يشاركنى..
-وقت الصفا – همسى
أنسى تاريخ غربتى,
واتذكر الخلان
حضن الحبيبه.. وطن,
ضل الصحاب..بستان.
فتان ياغيط الونس..
ياواحه للقلقان,
ياأدان لفجر اتخطف..
فى بكارة المشاوير
فرفط سنين البراءه..
فى عتامة التد بير
شبح الظنون.. هزنى,
وعيونه بصالى!
روح العناد الصبى..
تسرى فى أوصالى!
خيال ..
خياله عنيد
ترمح مسافاته
يهزمنى صوت البكا,
تحيينى دمعاته.
مجنون.. أكون ..
بالفضا,
واعشق جموح الريح,
يهتك حصار الشرنقه
وبأجمل الألوان
يطلق فراشاته
أحمد الشربينى[/FRAME]
شــــــــــرنقه
للحزن طعم الوجع,
والوهم ضل الخوف.
جوايا بصة قلق
عنها الحجاب..مكشوف
بينى وبين ضحكتى ..
م الحزن فيه..
مسافات!
دارت سواقى الليل,
ماسألت كام..
مسافات؟
شرنقت خوفى بصمتى
يافكره ليه صمتى..
عن شهقة الآهات؟
ملح الحياه الاغتراب..
فتشت فى المجهول!,
سرسب نهار الصبا..
مالمحت ضى وصول,
موصول ياطول السفر
بالغربه والا حزان
ياصبح بكره..
- ان كان -
دبل جراح أمسى
أنا فرحى ملك الناس,
والجرح مالكنى
يامين يشاركنى..
-وقت الصفا – همسى
أنسى تاريخ غربتى,
واتذكر الخلان
حضن الحبيبه.. وطن,
ضل الصحاب..بستان.
فتان ياغيط الونس..
ياواحه للقلقان,
ياأدان لفجر اتخطف..
فى بكارة المشاوير
فرفط سنين البراءه..
فى عتامة التد بير
شبح الظنون.. هزنى,
وعيونه بصالى!
روح العناد الصبى..
تسرى فى أوصالى!
خيال ..
خياله عنيد
ترمح مسافاته
يهزمنى صوت البكا,
تحيينى دمعاته.
مجنون.. أكون ..
بالفضا,
واعشق جموح الريح,
يهتك حصار الشرنقه
وبأجمل الألوان
يطلق فراشاته
أحمد الشربينى
تعليق