تويت
[align=center]
سيناء
*****************
سينا يا غاليه
ياغاليه علينا
فيكى عرقنا
وفيكى بنينا
فيكى حزنا
وفيكى غنينا
فيكى ضحكنا
وفيكى بكينا
أيوه بكينا
بكينا بكينا
لما تاه منا
الزمان وسبقنا
مع إنه كان
بين إيدينا
لما شمس الحق
غابت عن عنينا
لما ضاع منا
القرار
لما تاه بينا
الحوار
وهربنا
وكان هروبنا إنحدار
رغم الدم
اللى صار
يروى رملك
فى كل بّلده
وكل دار
التار التار
ردوا لينا
الإعتبار
كده قال الشهيد
وقال الشهيد
لموا فينا كل حبة وكل رملة
لسه باقية
فى أرض سينا
وإبد ؤا بس
بإيمان
وإجعلوا ترانيم
أذانكم
فى الكنيسة وفى
الآذان
فى الكنيسة وفى
الآذان
وقال الشهيد
6 إكتوبر
6 أكتوبرمهما
أوفى
مش راح أوفى
فيك مفتاح النصر
الغالى
فيك ردينا
على أعادينا
فيك لمينا
عضم إخوتنا
عضم أهلينا
وروينا بالدمع
الساخن
بالجرح النازف
لجل ما نزرع شجرة ( أو – شعلة )
تنور على ليالينا
6 أكتوبر
مهما أوفى موش راح أوفى
فيك مفتاح النصر الغالى
فيك ردينا
على أعادينا
لما نادونا
فى زهوة كبر
يالّه يا مصرى
سلم علمك سلم قلمك
سلم سلم سلم
معرفناش ومعرفناش
مفهمناش ومفهمناش
إنا لمل بنضحك
نبكى
يبقى بنسخر
من نفسينا
دقت ساعة
ومرت ساعة
ساعة وساعة
ومر الوقت
ولأنه إتعود منا
الصوت العالى
معرفناش إنا
بنعد فى صمت
6 أكتوبر
واليوم السبت
ويوم السبت
وقفوا أولادنا
فى الصبحية
مع طلة شمس
اللى بيكتب
واللى بيرسم
لوحة بحطبة
وحبة رمل
6 أكتوبر
وبدأناها
الساعة إتنين
صورة بصورة
وخط بخط
ورسمناها
على طول الخط
صورة بتتكلم
من غير كلمات
من غير كلمات
من غير أفيشات
من غير أفيشات
صورة بتتكلم
بالطول والعرض
حررنا الأرض
خريطة ورسمها
سادات ومبارك
وبدأها أولادنا
صفوف بصفوف
دفوف بدفوف
صورة بتتكلم
من غير أفيشات
من غير أفيشات
*************************
شعر مختار مختار الداغر
فارسكور- دمياط - جمهورية مصر العربية
[/align]
تعليق