تويت
أغنية للأطفال..الكعبة بيت الله
كلمات: أميرة فايد
الطفل : دي الكعبة ..؟
الأب : بيت الله الحرام
الطفل: حرام ..ليه ؟!!!!
الأب : الحرام
يعني حرام نتخاصم فيها
صوت يعلا بخناق وسطيها
دم مراق يلمس أراضيها
أو شيء حي وتفنيه فيها
الطفل : عاوز أزورها
الأب: ونطوف حواليها
وها أقول لك حاجة بيني وبينك
يوم ما تقف تتأمل فيها
وتلبي وتدعي
ها يغمر نور قلبك وجبينك
تفرح تبقى ايديك جناحينك
تلمس غيم السما بكفوفك
ومطر رحمة ها يغسل روحك
الأطفال طاهرة وبريئة
ادعي بدعوة كل دقيقة
كل دعاك فيها ها يتحقق
خليه لتحقيق خير أو مبدأ
ادعي تكون حاجة تخدم دينك
أخلاقك والعلم يزينك
تبقى امام ،دكتور ، أو عالم
انسان بيعمر ومسالم
مليان رحمة تكفي العالم
وتملك قوة ترد الظالم
ادعي لماما وبابا ينولوا
جنة خلد وهنا ما يزولوا
وشربة هنية من حوض طه
سيدنا النبي
سيدنا النبي
المصطفى أحمد يقولو له
اشفع لنا يا حبيبي يا محمد
يا سيدنا النبي
يا سيدنا النبي
الطفل : بحب أنا بيت الله ورسوله
تعليق