تويت
الشعب واقف والنظام بيولي
شيطاني ظاهر ع الشاشات سَّولي
طفح الكيل وفاض من الشعب يا متولي
كفايه عليك في الولايه مشبعتش من ذلي
******
خرج الإبن عن طوعك وأعلن عليك الحرب
مش ناسي ليك الإهانة مش ناسي مر الضرب
تفتكروا بات ناسي ومطاطي ويا السرب
تفتكروا هيهاجر ويعدي حدود الغرب
شعبك وقف بالمثل للي اتنهب بالنهب
*****
شاروا عليك بالكفايه أو شارت عليك الست
تقطع لي كابل صوتي أو تقطع عليّ النت
صوتي عليك ونازل من عالي بالبراشوت
بيطالب برحيل سيادتك ولا في كرسيك تبِّت
*****
حواشيها سفليه وحاميها حراميها
معلش أصل سعادتك دريان باللى فيها
واكلينها متولعه والولعه مين يطفيها
آخرة ما تمت سيادته بإقاله يرميها
******
صبح الشعب من غير حاكم وسلمني ع النظام
والفوضى لا محاكم حاكماها ولا كلام
والسرقه بقى عيني وعينك ويا النظام
سريحه من ورا القضبان والحكم بالإعدام
*****
اللى اتعمل في سنين هيهدوا شعب مقاوح
ناهبين شقق مساكين وتلاجات ومراوح
ولسه الصورة عالقه وانت بايدك ملاوح
واهو النهاردة عالقه و سخنه للي يلاوح
******
فكرك ممكن تصدق ودانا بُق سعادتك
أو على أمل نبات ونقوم على قهر قيادتك
ولا الشعب المسكين هيلاقي لُقم بقايتك
من شرط قبول الصلاة طهور عظمة جنابتك
******
عيني على المسكين خرج تَوو من الحبس
خوفي عليه يا عين من مر طعم الكبس
إشارة من فعل عظمته بتكه فوق الكُبس
ترجع ورا القضبان مظاليم غداً والأمس
*****
وادينا متفرقين من سهل ويا وادي
تعود علينا السنين وجعيدي مش زي شادي
مسكين متجعده حياته من تربة بلادي
والتاني بيحلي حليب ويا الزبادي
*******
ياربي يتوب عليك يتحقق بكره حلمي
وتكون برئ يادي النظام من حكاويَ وظلمي
وتبرئ ذمة سعادتك ويعود للفهم علمي
وتعود مصر العروبة برجالها لبر سلمي
تعليق