تويت
قوم يا فجر ..
قوم يا فجر اغسِل / حبيبتي
م الرعاع البلطجية
وضيهالي بعطرشانك
ترجع المسجد تقية
شيل خازوق اللي بسلامتُه / ليل حَقودي وعُصْبَجية
قوم وصلي معانا صُحبة
نبقى عِِزوة وروح فَتِِية
قوم تعالى / شوف معايا
صورة للحلوة ( بهية )
مين حَبَاها ؟!
ومين عداها ؟!
قوم وشاور / ع اللي أحنى ضهور حبيبتي
هُما دول البلطجية
وكر شرطة وحرامية
كله مأجور مستفيد / لجل ما تبقالنا هيَ
نفوس حُسالة / نفوس زبالة
حزب خالي الوطنية
غير جدير بالمسئولية
هُما دول البلطجية
اللي كِبرت أرصدتهم /
وبإيعاز من وحي سِيدهُم
اللي باعوا صوت ضميرهم
والحياء غادر وجوههم
ضحوا حتى بالقضية !
هُما دول غوغاء بلدنا
مُعدمي الوعي بجهالة /
خِبرة في التزوير وكله /
بَصمَجي والعقل حاله
لو تناقشُه ما يعرف إلا /
اللي أيدُه ف كرشُه واصل
يبقى مشحون بالأذية / مهما تِشبَِع الحَوَاصِل
تنُه عَالة
تنُه يركع
واستحالة / العشوائية تصير آبية
دول فريق حزب السِيادة
اللي خد خِيرك يا بلدي
عِشقُه ياخُد / ثم ياخُد / ثم ياخُد !
داس / ودايس
ع النفوس المِستحية
اللي فيها الصوت / وحِيلهَا / وعَزم أشواقها مريض
حال مقيت
والميزان / كفة وكفة
رؤية تتأرجح ما بين
كفة بتحاول تِطبب خِسة الندل البَغيض
وكفة شوق رحم اللي غرَّب / فيه عِقود / عَهد الحَضِيض
راح على ( التحرير ) يوَصَل /
بالأمل فجرُه السَعيد
هُما دُوُل أمَلِك يا حرة
يا أصيلة /
يا عَفية
فكر واعي ونبض يحلف /
ان شمسك بكره جايه
ان شمسك بكره جايه
ــــــــــــــ
تعليق