تويت
قصيدة لازم نِضحّى
لازم نِضحّى
*****
أشعار الدكتور صبرى إسماعيل
*****
لازم نِضحّى يابلد وتعيشى
ونصون ولادك كلّهم مع جيشى
بدرك ينوّر والهرم يلاغينى
والنيل يِغرّق مرتع الخفافيشى
*****
مهما حصل لّك يابلد ماتخافى
يحميكى دِرعى والأمل واسيافى
وابدر فى أرضِك خضرتى وارويها
وابنيكى حتّى لو بلحم كِتافى
*****
إوعى دموع الحُزن تِملا عنيكى
داللّى بيهتف شمسهم تحميكى
واللّى بيحرس برضه إبن النيل
لو يوم تِنادى كلّه يِجرى عليكى
*****
يامصر دا اللّى فى الميدان فِرسانك
أحمد ومينا والعلم ورِجالك
تِهتف بإسمك وانتى فى قلوبنا
همّا اللّى عبروا وهمّا رِسمالك
****
الغمّة لازم تِنتهى تِولّى
علّى راياتك رفرفى وعلّى
بكره يعودوا والتروس هتلفّ
والقمح كلّه خيره يوصل لى
*****
أشعار الدكتور صبرى إسماعيل
*****
لازم نِضحّى يابلد وتعيشى
ونصون ولادك كلّهم مع جيشى
بدرك ينوّر والهرم يلاغينى
والنيل يِغرّق مرتع الخفافيشى
*****
مهما حصل لّك يابلد ماتخافى
يحميكى دِرعى والأمل واسيافى
وابدر فى أرضِك خضرتى وارويها
وابنيكى حتّى لو بلحم كِتافى
*****
إوعى دموع الحُزن تِملا عنيكى
داللّى بيهتف شمسهم تحميكى
واللّى بيحرس برضه إبن النيل
لو يوم تِنادى كلّه يِجرى عليكى
*****
يامصر دا اللّى فى الميدان فِرسانك
أحمد ومينا والعلم ورِجالك
تِهتف بإسمك وانتى فى قلوبنا
همّا اللّى عبروا وهمّا رِسمالك
****
الغمّة لازم تِنتهى تِولّى
علّى راياتك رفرفى وعلّى
بكره يعودوا والتروس هتلفّ
والقمح كلّه خيره يوصل لى
تعليق