حرام كفايه

دأنتم ولادى حبايبى

ضنايه

أنتم خضارى.سمارى.عمارى

لليلى ونهارى

شمسى وهانيه

أرجوكوا .... بلاش

تكونوا بعد فرحى

عذابى...... ودمعى

وسبب.... بلايا

خليكوا فى حضنى

قدامى... ورايا

فى ضهرى.. معايا

لأضيع من أيديكم

وتبقى ......النهايه

تعالوا. بسرعه.

حسامح غضبكم

وأريح. تعبكم .وحسمع لصوتكم

داياما.. ندانى

وفرح سمايا

أرجوكوا.... بلاش

تطفوا... نجومى

وتعروا.. هدومى

وديابة البرارى

تخرب ديارى

وتذود أذايا

حرام ياولادى بذياده

كفـــــــــــايه

دانا ياما صرخت

وقلت ياخلق

بركان الظلم زلزل

جدرانى وحشايا

وحطم شبابى

وأخر خطايا

ولاحد سمعلى

ولا جابلى دوايه

أنا خايفه عليكوا

لقابيل بشطانه يجرى

والدم يغرق

أجمل حكايه

أرجوكوا.... بلاش

حبايبى كفايه