تويت
!!! أحلام فرعون !!!شعر/جمعه محمد !!!
!
فرعون زمان كان له فتوه وهيلمان
بص بعينيه شاف البشر غرقى ف سكون
حس بأمان
سوى ف عروشه واستوى
وقال خلاص عندى الاساس
راح اكون إله
دا الارض ملكى والسما
حتى الشجر حتى الدواب حتى الحجر
وبكلمه منى باكتب الموت للبشر
واوهب حياه
فرعون طغى
أيوا بغى
ووصل فى ظلمه لمنتهاه
جنِد بطانه فاسدين
مزورين ومنافقين
لو راح شمال أو راح يمين
كانوا ف ركابه سائرين
وكأنه كان م المعصومين المرسلين
وسبحوا بحمده سنين
وعاشوا ف الوهم معاه
فرعون طغى
أيوا بغى
من كتر ما ركبو الجنان
قرر يكون إبنه كمان
صاحب وجاهه وصولجان
علشان يحوز نفس المكان
ويكون إله بن إله
فرعون طغى
أيوا بغى
وقعد يفصل توب خلود
وكأنه قال ضمن الوجود
ولا حتى فكر يوم يموت
أو ياكله دود
ولا خد عبر م السابقين
وعرف مصير الأولين
من مغررين متكبرين
مجنون بسلطه وعقله تاه
فرعون طغى
أيوا بغى
فجأه غرق جرفو الطوفان
طوفان بشر وسط الميدان
ساعتها فاق بعد الاوان
أعلنها توبه واستكان
وقعد يغنى بصوت حزين
دامت لمين .دامت لمين
واتمنى يمسك طوق نجاه
فرعون طغى
أيوا بغى
ربك يا فرعون الزمان
يمهل ولا يهمل كمان
أدرك نفوس الفاسدين
وذكرها أيه ف القرآن
لو رُدوا عادوا لِمّا كان
علشان تكون عبره وبيان
هينجّى جسدك م الطوفان
وتكون نذير كلّ الطغاه
!
!
بقلمى / جمعه محمد
!
فرعون زمان كان له فتوه وهيلمان
بص بعينيه شاف البشر غرقى ف سكون
حس بأمان
سوى ف عروشه واستوى
وقال خلاص عندى الاساس
راح اكون إله
دا الارض ملكى والسما
حتى الشجر حتى الدواب حتى الحجر
وبكلمه منى باكتب الموت للبشر
واوهب حياه
فرعون طغى
أيوا بغى
ووصل فى ظلمه لمنتهاه
جنِد بطانه فاسدين
مزورين ومنافقين
لو راح شمال أو راح يمين
كانوا ف ركابه سائرين
وكأنه كان م المعصومين المرسلين
وسبحوا بحمده سنين
وعاشوا ف الوهم معاه
فرعون طغى
أيوا بغى
من كتر ما ركبو الجنان
قرر يكون إبنه كمان
صاحب وجاهه وصولجان
علشان يحوز نفس المكان
ويكون إله بن إله
فرعون طغى
أيوا بغى
وقعد يفصل توب خلود
وكأنه قال ضمن الوجود
ولا حتى فكر يوم يموت
أو ياكله دود
ولا خد عبر م السابقين
وعرف مصير الأولين
من مغررين متكبرين
مجنون بسلطه وعقله تاه
فرعون طغى
أيوا بغى
فجأه غرق جرفو الطوفان
طوفان بشر وسط الميدان
ساعتها فاق بعد الاوان
أعلنها توبه واستكان
وقعد يغنى بصوت حزين
دامت لمين .دامت لمين
واتمنى يمسك طوق نجاه
فرعون طغى
أيوا بغى
ربك يا فرعون الزمان
يمهل ولا يهمل كمان
أدرك نفوس الفاسدين
وذكرها أيه ف القرآن
لو رُدوا عادوا لِمّا كان
علشان تكون عبره وبيان
هينجّى جسدك م الطوفان
وتكون نذير كلّ الطغاه
!
!
بقلمى / جمعه محمد
تعليق