تويت
قوم يا مصرى عيش حياه حرّه وكريمه
قوم يا مصرى بالشهـامـه وبالعزيمـه
قول كلامـك وإحكى للعالم حكــاوى
من زمـان آن الأوان يبقــالها قيمــه
...
...
قوم يا مصرى خلّى كل الناس تشوفك
تعرفك وتحس بيك وتعيش ظروفك
كل يوم عدّى تزيد عزّه وكرامه
وسط حرّيه وتاريخ سجّل حروفك
...
...
كل شبر ف أرض بلـدك بينــاديـــك
م النهارده يا مصرى مش خايف عليك
إجرى..إفرح..إبتسم..إرسم طريقك
خلّى نور الشمس يرتاح بين إيديك
*****
تعليق