تويت
كتبتها يوم الخميس بعد خطاب مبارك الاخير
وبعدها كان التنحى يوم الجمعه
..................
وبعدها كان التنحى يوم الجمعه
..................
يموت شعب بلدى ويحيا الرئيس
ويحكم لوحده ولا حد قبله ولا حد بعده
ولا حد زيه لا يمكن مفيش
فمن غير ديباجه ولا حرق دم
ولا أى حاجه ونفض يا عم
هقولها بسماجه واقولها بفجاجه واقولها بسذاجه
يموت شعب بلدى ويحيا الرئيس
يموت الولاد إللى رافعين رايتنا
يموت الامل إللى دب ف حياتنا
يغورم ف داهيه ويفضل قائدنا
د هو حامينا وهو والينا وهو نبينا
وكل إللى لينا
عشانه إتخلقنا وليه منتهانا
ومن غيره طبعا هناكل سريس
يموت شعب بلدى ويحيا الرئيس
يموت إللى واقف ف قلب الميدان
ف كل الشوارع وكل الحوارى
وغيرهم كمان
ويفضل قائدنا صمام الأمان
ويطلع علينا بأحلى بيان
يقول إنه مخلص وطاهر وصان
وشعبه إللى خاين وواطى وخسيس
يموت شعب بلدى ويحيا الرئيس
تموت الكرامه تموت الشهامه
ويملى حياتنا كتير م اللمامه
ونسكت ونبلع ونكتم وندمع
ونزرع ونحصد وغيرنا إللى يجمع
ونخدم وجاهته وهو يهيص
يموت شعب بلدى ويحيا الرئيس
يا كل إللى واقف
وفاهم وشايف
يا جيشنا يا عاقل
يا مخلص يا فاضل
ف إيدك أمانه
هتحقن دمانا
واحكم بنفسك
ووازن وقيس
ما بين شعب بلدى
وبين الرئيس
!
!
بقلمى / جمعه محمد
ويحكم لوحده ولا حد قبله ولا حد بعده
ولا حد زيه لا يمكن مفيش
فمن غير ديباجه ولا حرق دم
ولا أى حاجه ونفض يا عم
هقولها بسماجه واقولها بفجاجه واقولها بسذاجه
يموت شعب بلدى ويحيا الرئيس
يموت الولاد إللى رافعين رايتنا
يموت الامل إللى دب ف حياتنا
يغورم ف داهيه ويفضل قائدنا
د هو حامينا وهو والينا وهو نبينا
وكل إللى لينا
عشانه إتخلقنا وليه منتهانا
ومن غيره طبعا هناكل سريس
يموت شعب بلدى ويحيا الرئيس
يموت إللى واقف ف قلب الميدان
ف كل الشوارع وكل الحوارى
وغيرهم كمان
ويفضل قائدنا صمام الأمان
ويطلع علينا بأحلى بيان
يقول إنه مخلص وطاهر وصان
وشعبه إللى خاين وواطى وخسيس
يموت شعب بلدى ويحيا الرئيس
تموت الكرامه تموت الشهامه
ويملى حياتنا كتير م اللمامه
ونسكت ونبلع ونكتم وندمع
ونزرع ونحصد وغيرنا إللى يجمع
ونخدم وجاهته وهو يهيص
يموت شعب بلدى ويحيا الرئيس
يا كل إللى واقف
وفاهم وشايف
يا جيشنا يا عاقل
يا مخلص يا فاضل
ف إيدك أمانه
هتحقن دمانا
واحكم بنفسك
ووازن وقيس
ما بين شعب بلدى
وبين الرئيس
!
!
بقلمى / جمعه محمد
تعليق