ذهبت إلى الموقع على فيس بوك، فوجدت أنهم عملوا كمان أغنية ولحنوها وسجلوها ونشروها على الراجل اللي واقف ورا عمر سليمان.

إحباط محاولة للراجل اللي واقف ورا عمر سليمان حيث كان ينوي الوقوف أمام عمر سليمان.

مبارك يمر بحالة نفسية سيئة ويرفض الدواء لأنو ماكنش واقف ورا الراجل اللي ورا عمر سليمان

أضحك الله سنك يا دكتور الليثي
هى دى روحنا المصرية بجد
ولو معملناش كده ما نبقاش مصريين

والراجل اللى ورا عمرسليمان بيقولكم اضحكوا اضحكوا
بكرة هاتلاقونى واقف ورا مجلس أمناء الثورة ونشوف مين اللى هايضحك فينا

منقول من الفيس بوك :

(نفهم من كده انه خلاص بطل يقف ورا عمر سليمان واعتزل )

حياك الله يا دكتور أحمد ناجي، نورت الصفحة.

هههه
انا هخلص شحنة الضحك
وأرجع تاني عشان أعتذر للراجل اللى واقف ورا عمر سليمان
ما هو لكل مرحلة .. رحال
ولكل مقام... مقال

بقولك ايه يا دكتور ليثي من باب العشم الرشروشي بالشجاعة الليثية
ما تحاول تغير مسار تسليط الضوء على الراجل الغلبان اللى ورا عمر سليمان
وتحطلنا صورتك وإنت واقف ادام عمر سليمان
لأني أبى بك أن تقف خلفه لامؤاخذة
وايـــــــــــــــــــــــــــــه
بس خلاص
ولنا عودة

ههه ههه ههه! أنا عايز أعلن للجميع، إن رشا عبادة ومن يقفون وراءها لهم أجندة خاصة. وشغل الأَلَبندا والأونطا والسهوكة بتاع دمياط ده ما يمشيش عليَّ أبدًا.
وباقول وباكرر رشا عبادة من العناصر المندسة لتخريب الحركة السرية والكشف بالصور عن المخططين الحركيين بالريموت كنترول والتخاطب الذهني لثورة 25 يناير 2011، وثورة 19، وثورة عرابي، وكل ثورة هبت في مصر ما عدا ثورة النحس بتاعة 52.
لا أيها العنصرة المندسة، لولا الحلفان بالطريقة دي حرام كنت حلفت لك زي ريا وسكينة، وقلت لك: "لا، وحياة المرسي أبو العباس، دا لا طلب برئ ولا هباب أزرق، دي خطة ومدبرة بليل مدلهم البقاليل. اللي واقف وراكي هو اللي قال لك تطلبي الطلب ده".

بقى كل الفيلم ده علشان أنشر صورتي؟ هو ده اللي انتم نايمين صاحيين قايمين واكلين شاربين تفكروا فيه؟ يا نهار ما طلعلوش سلِّم! دا انتو نهاركم كوبيا! بس أنا فهمتكم. فهمتكم. وفهمت انتو عايزين أيه. عايزين صورتي؟ مش كده؟ بعيد عن شنبكم، حتى لو كنتم كلكم واقفين ورا عمر سليمان.

الإجابة هي ،لااااااااا، وبالفم المليان. وأقول لكل العناصر المندسة، نقبكم طلع على شونة، وفشلت مخطططططاتكم العوجاااااء. العبوا غيرها. دا احنا اللي دهنَّا ثورة مصر دوكو سري لدرجة إن حتى الآن ما حدش شايفه، ولا هيشوفوه.
قال صورتي قال؟ ما تيجي تفتِّشني فتِّش! الله، والاَّ تعالى تفتِّشني فتِّش! لن يحدث ألبتة! والكلمة اللي يقولها السبع مش ممكن تنزل الأرض أبدًا، يا أم حميدة.

شوفي يا أستاذة رشا الحالة الوحيدة اللي حد ممكن يشوف صورتي هي ... هي ... هاتشي، هااااتشي ... العطس ده جه منين؟ ... الواحد باين عليه خد برد والا أيه؟ ... يبدو من التيارات المندسة؛ ما هو مافيش حاجة مستغربة منهم ممكن يعملوها! ... ما هم بيعبُّوا البرد في أزايز مولوتوف، أتلف الله زراير جاكيتاتكم!

أنا كنت باقول أيه؟ يالله، نسيت! خلاص كفاية كده، وإذا افتكرت مش هارجع أقولها.

شعار المرحلة القادمة
الشعب والشرطة والجيش في خدمة الراجل اللي واقف ورا عمر سليمان.

الجزيرة : بعد صمت طويل أصدرت المخابرات العامة المصرية أخيراً بيانها الأول جاء فيه:
الرجل اللى واقف ورا عمر سليمان هو أحد رجالنا الأبطال، وكان وقوفه كان لغرض وطني؛ وكان ماسك دبوس فى إيده عشان لو عمر سليمان رجع فى كلامه يشكه في … في ظهره.

الخيل والليل والبيــداء تعرفنــــي ... والسيف والرمح والراجل اللي ورا عمر سليمان

أم لطفلها:

عارف لو ما شربتش اللبن … هاجيب لك الراجل اللى بيقف ورا عمر سليمان

مره واحد اصطاد سمكة و لسه بيفتح بطنها طلع له الراجل اللي ورا عمر سليمان