تويت
( يا مْعَدِية جدار الذل )
يا معَدِية جدار الذُل بٍِصِِدر شبابِك
ابنِك جابِك / حَد الشط
انزلي دِبي خُطاكي الثابتة
لملِمي كل جراح أحبابك
راح الليل / خلاص انسِيه
وجميع عَفاريتُه / اللي عَطاها وطننا الغالي /
تلعب بيه /
اهو اللي اتخبى / واللي اتغطى /
واللي اتشعلق عَ الحبلين
قاصدُه ينافق / اللي مسابق بخُطى أبية
زي غزالة ف غابة شوق / للحرية
اتطمني /
يا معدية جدار الذل بصِدر "شبابك
مش راح نسمح / تاني يعود قهرك وعذابِك
الأوباش بقوا بره الصورة
وربنا شاء تصبحي منصورة
وتاني نغني معاكي نشيدنا
سمي وخطي
أوعي توطي
عَدِي / يا ريح التغيير / عدي
في حما ولادِك
انسي ما فاتِك
( الحرية ) فيكي غريبة بس قريبة
بكره حتصبح جوه أحضانك / زي حبيبة
مادُومتي هزمتي الخوف جواكي /
المحتل المصري أهو سابِك
حاجي عليها / جيبتيها غالية
وأنتي يا غالية / شوفتي أحبابك
( والعربان ) / واقفين / على بابِك
فاكره سابوكي ؟
أبدا / أبدا /
ظهر الحب وبان إن أنتي /
ما بعِدِك عنهم / إلا غُرابِك !
سمي وخطي
أوعي توطي
اللي يطاطي لظالم عُُُمره / يصبح واطي
واللي يقول للجائر لائه / ( التحرير ) يفتح لُه أبوابه
وسقف مطالبُه / يزيد ويزيد / ولا يخرج فاضي
( الحرية ) فيكي غريبة / بس قريبة
بكره ح تصبح جوه أحضانك / زي حبيبة
مادُومتي هزمتي الخوف جواكي /
والمحتل المصري أهو سابِك
يا مِعَدِية جدار الذل بصِدر "شبابك
ـــــــــــــــــــــــــــــ
تعليق