رديت وقلت
أنا مهما قلت ومهما وصفت
كلامي قليل
,,,,,,,
مصر اليوم بتحلم بالتغيير
مصر تشوفها ف نهر النيل
مصر دي ضحكة طفل جميل
مصر مراكبي ويّا شراع
مش خاين باعها وضاع
مصرأصالة
مصر حضارة
مصر عمار
مصر أم الثوار
مصر يناير 25
فرحت بولادها الأحرار
ياما ثارت
ياما نادت
إرحموني من الأشرار
خيري لغيري
وولادي ضايعيين
إمتي تفوقوا
يا أحرار

رمز الخيانة
بطانة العميل
دخلوا ميدان التحرير

بالبلطجية والجمال
علشان يحنوا الرجال

ويلجموا اللسان الأصيل

بالجمال وصهيل الخيل

لكن ولادي
نادوا بلادي
إحنا فداكي
ياأم العرب
ودم الشهيد
يشهد ياأمي
بصحوة تئيد
وتنور طريقنا
ونشوف شمس
بكره من جديد
احنا ولادك
مش اللي خانك
وصور نفسه ليكي شهيد
أنت يا بلدي شاهدة عليه
كام من ولادك ضاع بين ايديه
من المسرطن ومن الملوث
ومن المبيد
عيشونا العصابة
عيشة العبيد
لكن كفاية
والله النهاية
صبحت قريبة
والنصر أصبح
حقيقة أكيدة
يشهد عليه دم الشهيد
اللي بدمه حني ترابك
وفتح للحرية بابك
عاشت بلادي
عاش الشهيد