نكت وطرائف الثورة المصرية

**د/ أحمد الليثي** · 16-02-2011, 16:34

بيقوا لك مرة شيخ اتمسك فى أمن الدولة و سابوه
فأمن الدوله مراقبينه . أول يوم لقوه ماشى فى شارع الهرم راحوا مكلمين الريس و قالواله الشيخ تاب ياريس
تانى يوم لقوه فى كباريه قالوا الشيخ تاب وأناب ياريس
تالت يوم لقوه فى الاتوبيس بيسرق واحد قالوا الشيخ تاب وأناب و بقى من الحزب الوطنى ياريس .

**د/ أحمد الليثي** · 16-02-2011, 16:55

بيقول لك حسني مبارك فكر في الرحيل إلي تونس وترشيح نفسه في انتخابات الرئاسة هناك … فخرجت الجماهير التونسية تطالب بعودة بن علي!!

**د/ أحمد الليثي** · 16-02-2011, 16:58

النشيد الوطني كان على وشك التغيير ليصبح:
بلادُه بلادُه بلادُه ….. مصر لحسني وولادُه!!!!

**د/ أحمد الليثي** · 16-02-2011, 17:14

مبارك جمع الأنبا شنودة وشيخ الازهر وقال لهم "خلاص أنا قررت أورث جمال الحكم من بعدى "
رد البابا "لا اله الا الله محمد رسول الله "
اندهش الشيخ طنطاوى وسأله " انت أسلمت يا أنبا شنودة ؟؟؟؟؟؟؟؟"
فرد الأنبا شنودة: " ماهى حاجه تخلى الواحد يكفر يا شيخ طنطاوي."

**د/ أحمد الليثي** · 16-02-2011, 17:16

الجزيرة : ملايين المتظاهرين فى ميدان التحرير
العربية: مئات الآلاف من المتظايرن
التلفزيون المصرى: ألوف المتظاهرين
مبارك: أنا مش شايف حد

**عبدالرحمن السليمان** · 16-02-2011, 18:00

المشاركة الأصلية بواسطة محمد زعل السلوم مشاهدة المشاركة

خبر عاجل: العاهل السعودي يامر ببناء مجمع سكني للرؤساء السابقين وعائلاتهم .

ههههههه!

أخي الأستاذ محمد زعل السلوم،

من المؤكد أن هذه اللافتة التي وردت فيها كلة (ط ي ز) مصرية وليست سورية، ذلك أن الكلمة (يعني: ط ي ز) ليست مقذعة في مصر مثلما هي مقذعة في سورية. وقد ذكرت ذلك في مسرد تجنبًا للحرج! المشهور دوليًا في الملتقى وجمعيتنا

وعليه فاسمح لي أن أوظف هذه الكلمة ـ بمفهومها المصري المقبول نسبيًا لا السوري المرفوض كليًا ـ وأهتف:

يا حُسنِي كُلّ لَكْ دَقَّةْ ... ؟؟؟؟ حَمْرَة وْمِزْرَقَّةْ

و(الدقة): المحمّرة التي تصنع من الفلفل الحار والطحينة والجوز وترفع حرارة المخلوقين وتحيل ألوانهم حمراء

**د/ أحمد الليثي** · 16-02-2011, 18:14

أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

خبر عاجل : الرئيس التونسي يدخل على الإذاعة السعودية و يهدي أغنية بستناااااااك للرئيس حسني مبارك

عقد الريس جلسة مع وزير الداخلية السابق حبيب العدلي وقال له محتدا: منعت الحشيش يا فالح؟ !!أهو الشعب صحصح!

عمر سليمان: حسني مبارك ده هو أبونا كلنا..
محشش: ده إحنا طلعنا ولاد حرام يا رجالة.

**د/ أحمد الليثي** · 16-02-2011, 18:33

يعنى أيه كوكاكولا زيرو؟ ...
يعنى تبقى واقف فى اللجنة الشعبية بتحشش، وييجى البوكس تقوم مفتشه.
يعنى نطلب من الرئيس التنحى من الرئاسة يقوم يغير الحكومة
يعني نخلص امتحانات، والشرطة هي اللي تاخد أجازة نص السنة
يعني مصر تعمل مظاهرات والجزائر تلغي قانون الطوارىء
يعنى العساكر والظباط تأخد أجازة نص السنة واحنا نوقف خدمة طول الليل

**د/ أحمد الليثي** · 16-02-2011, 18:34

عاجل من ميدان التحرير:
إلي إخواننا في الدول الشقيقة : حد عنده ريس مزعله قبل ما نروَّح ؟

**د/ أحمد الليثي** · 16-02-2011, 18:35

رسالة من تلميذ مصري :
إلى أعزائي المتظاهرين في ميدان التحرير .. بخصوص الثورة اللي شغالة عندكم متنسوش أنها هتدخل في مادة التاريخ واحنا اللي بنحفظ !! فاختصروا من فضلكم.

**د/ أحمد الليثي** · 16-02-2011, 18:43

علاء مبارك شارك في برنامج من سيربح المليون
وصل لآخر سؤال : من هو أكبر حرامي في مصر ؟
طلب مساعدة صديق واتصل بأخوه جمال وقال له السؤال
رد عليه أخوه : انسحب باللي كسبتوا وما تخسرش ابوك!!

**د/ أحمد الليثي** · 16-02-2011, 18:44

الرئيس السوداني البشير طلع وقال للشعب : عليكم الله انتو عاوزيني رئيس ولا لا ؟ إذا ما عاوزيني رئيس خلوني أمشي .. أنا ذاتي ما ناقص مشاكل!
قالوا له : نعم يا ريس.. إحنا عاوزينك رئيس .. ذاتنا إحنا ما فينا حيل للمظاهرات

**سحر الخطيب** · 16-02-2011, 18:52

قرر معمر القذافى الغاء يوم الجمعة فى ليبيا وجعل الاسبوع 6 ايام فقط وذلك لتجنب المزيد من الثورات فى الدول العربية وقد دعى القذافى لانعقاد لقمة عربية لالغاء يوم الجمعة فى باقى الدول العربية

**سحر الخطيب** · 16-02-2011, 18:57

عاجل
اُصيب جميع الحكام العرب بحمى مفاجئة وهلوسه مجنونه اسمها
الشعب يريد إسقاط النظام
والكثير من حولهم يحاولون توزيع المال لكتم اصواتهم

نكت وطرائف الثورة المصرية

نكت وطرائف الثورة المصرية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث