تويت
الشكر كل الشكر لك شاعرنا على مشاركاتك الرائقة
في مسابقة شهر يناير ..
وباقة محبة وتقدير أرسلها لحسك الشعري المتدفق في حب الوطن
وهذا تجميع لمشاركاتك الطيبة في المسابقة لتيسيير التقييم ،
والاستمتاع بقلمك الراقي ..
الشاعر الراقي ...:
>> الخليـــل عيــــــد <<
دمعتى هانت عليك يا جمال
تسيبنى وسط حقل ألغام
بدون دليل يوصلنى
انا صبرى منك فاق الجمال
تسيبنى وسط حقل ألغام
بدون دليل يوصلنى
انا صبرى منك فاق الجمال
هى فين إسرائيل يا بلد
دا وهم على الخريطة إنسكب
كفاية خداع كفاية كبد
لكن الكبار سموها بلد
راجع تانى لك يا بلادى أزرع أرضى
أحرس حارتى أحضن شجرك أجمع خيرك
اعمل خدى مداس لترابك أرجع أعيش وسط ناسك
وسط حب متوفر مشوفتوش وأنا مهاجر
أحرس حارتى أحضن شجرك أجمع خيرك
اعمل خدى مداس لترابك أرجع أعيش وسط ناسك
وسط حب متوفر مشوفتوش وأنا مهاجر
رسمتك يا مصر بدمى
رسمتك نيل وحب وجمال
رسمتك رجال ما تعرف محال
رسمتك حالة تفوق الخيال
يا نجلاء حنلبى نداك
حنكسر جدار وراه الدمار
ونبنى مدينة متعرفش انكسار
ايدك فى ايدى نشيل الغبار
بكره أحلى ولا زمان يا أولاد حارتنا
كنا زمان واحنا صغار كل البيوت بيتنا
كل طفل أخويا كنا ناكل من طبق واحد
وننام فى أى بيت على حدوتة ست البيت
كنا زمان واحنا صغار كل البيوت بيتنا
كل طفل أخويا كنا ناكل من طبق واحد
وننام فى أى بيت على حدوتة ست البيت
نسقف معاك يا سمير ونهتف معاك بالليل
كل حاجة حلوة و احنا اللى ناس وحشين
نمشى معاك ونقول الخير عندنا بالكوم
وان كنت موش عارف يكون عليك اللوم
نرفع ايدينا يا وليد
مبايعة حب وتأييد
وشعارنا البرلمانى
كيس سكر وكيلو دقيق
مبايعة حب وتأييد
وشعارنا البرلمانى
كيس سكر وكيلو دقيق
نمنا كتير فى ديمقراطية وكرامة شريفة وحرية
ونزاهة نزيهة وشوقية وزلابية وأم على ومهلبية
ولما حبوا يغيروا قالوا لنا مصارحة ومكاشفة وشفافية
كلها مصطلحات وهمية وصداع واصل لعينيه
فينك يازمان الكرامة فينك يا نبع الرجال
كان يا ما كان كان فيه أخ بمعنى الكلام
يحس بوجيعتى من غير كلام
كان صمتى الحزين يخليه ما ينام
هجرتنا ليه يازمن الكرام وسبتنا جنب اللئام
كان كل ستات حارتنا يجمعوا عند الفرن الكبير
يخبزوا لنا العيش من القمح الكتير
كان كله إنتاج بلدنا وطرح فى قلوبنا حب الغير
نادى بأعلى صوتك متلقيش اللى يسمعك
أبكى على قلب مات من غير ما يودعك
لو كان الود بينزرع كنت أزرعه فدادين
لو كان بيتباع وينشرى أدفع فيه ملايين
ما عمرى يوم خنتك ولا خلفت وعودى
كنت شمسك وظلك حتى خارج حدودى
تقوم أول ما تكسر جسر يوصلنى ليك
يكون أول ما تطعن قلب يخاف عليك
كان يا ما كان كان فيه أخ بمعنى الكلام
يحس بوجيعتى من غير كلام
كان صمتى الحزين يخليه ما ينام
هجرتنا ليه يازمن الكرام وسبتنا جنب اللئام
كان كل ستات حارتنا يجمعوا عند الفرن الكبير
يخبزوا لنا العيش من القمح الكتير
كان كله إنتاج بلدنا وطرح فى قلوبنا حب الغير
نادى بأعلى صوتك متلقيش اللى يسمعك
أبكى على قلب مات من غير ما يودعك
لو كان الود بينزرع كنت أزرعه فدادين
لو كان بيتباع وينشرى أدفع فيه ملايين
ما عمرى يوم خنتك ولا خلفت وعودى
كنت شمسك وظلك حتى خارج حدودى
تقوم أول ما تكسر جسر يوصلنى ليك
يكون أول ما تطعن قلب يخاف عليك
هات أيدك فى أيدى
نبنى جسر على نيلك
خد فاسك وأحضن أرضى
ترابى هو اللى باقى لك
نبنى جسر على نيلك
خد فاسك وأحضن أرضى
ترابى هو اللى باقى لك
هو اللى يشتريك تبيعه
واللى يوهبك عمره تهينه
ليه كده يا أبن أمى وأبويا
توهب ودك لعدوك وتقلب الصورة
ما الواد درويش المدهول نزل يوم للحارة وكان فى أيده زمارة
الباشا الملهم بسلمته لم جنوده الجبارة وعمل كردون على الحارة
وسؤال للجار والجارة بعصاية وبلغة وهراوة حارة تنظيم الزمارة
ومعايا لمسألتكوا أمارة : ( الواد درويش والزمارة
هم يضحك وهم يبكى يا نجلاء
لما تعيش الخوف وتنتظر البلاء
لما تحس بالظلم وتدوق المرارة
لما تقول الحق تحصل شهداء العبارة
خايف عليك يا بنتى متعنديش
أصل حتعدلى يجيلك الشويش
ألتزمى بكلامنا وبلاش تشويش
ولا أعملك قضية بانجو وحشيش
لما تعيش الخوف وتنتظر البلاء
لما تحس بالظلم وتدوق المرارة
لما تقول الحق تحصل شهداء العبارة
خايف عليك يا بنتى متعنديش
أصل حتعدلى يجيلك الشويش
ألتزمى بكلامنا وبلاش تشويش
ولا أعملك قضية بانجو وحشيش
كل ظالم له نهاية
فى موته عبرة وآية
أنسى حبه شد وشك
الموت ملوش مرايه
فى موته عبرة وآية
أنسى حبه شد وشك
الموت ملوش مرايه
ردد يا وليد دى سياسة
والفتنة تجارة و بُغاشة
مسجد يتهدم فى الأقصر
علشان حمام السباحة
إسلام ومسيحية كلها ديانات سماوية
واللى يعزف على الوتر يأجج الطائفية
طول عمرنا فى الوطن قشطة ومهلبية
يا خايب ألعب غيرها دا مصر أم الدنيا
همس أرضك بينادينى
صوت الساقية بيداوينى
زرع غيطك لما يطرح
ما تلاقيش للحزن مطرح
هم وغم ما يتلم يا أبوجمعة
تروح تشوف حرية الجامعة
تُعصر عينيك ماتنزل الدمعة
تروح تدعى لهم يوم الجمعة
أمل وعمل مطلوب
يكون شعار القلوب
ونرفع أيدينا للمولى
ما يكون فينا معطوب
رسالة حب وود وغفران
سامح وأنسى مين الغلطان
أزرع فى قلبك حب الأنسان
ونام وأنت مرتاح البال
حنين قلبى نداوى جراح
طبيبها كان فى الماضى صلاح
كفاية بكى على اللى راح
دا كل ليل بيجيله صباح
هى الفكرة مش فى الموت
ولا فى حياة لص وهلفوت
فيه أجساد ميتة صاحية
وشهيد الحق عمره ما بيموت
ناس تسوى تقل الجبال دهب
وناس ما ينفعها لوم ولا عتب
ناس وجودها يزيد الكمد
وناس لو غابت تغيب الشمس للأبد
من أمتى جنون الأسعار مش بس جشع التجار
لما قل الحب بينا و بعدنا عن أكل اللمة
راحت البركة من بيتنا لما قلدنا الغرب فى طباعه
لما أكلنا أطباقه بعدنا عن مبادىء عالية
دُسنا سوا على الألم
حيرجع أمتى الأمل؟
سيبنا اللى يجمعنا
بقينا فى ديل الأمم
حقول الحق وأموت شهيد
من أمتى كان العبد سيد
طفحنا من ذل الكرامة
كفاية حياة رق وعبيد
لهيب بتونس الخضرا
وقسمة كحكة السودان
ومصر الغالية مطلوبة
من إسرائيل والأمريكان
رجعت الأصالة والعزة والكرامة
ماتت نارالعبودية تحت طوفان الحرية
رضع الطفل من تانى نخوة وشهامة أجدادى
وغنى نشيد بلادى بحرارة قلب مندية
من ظالم لظالم فيه يوم لرد المظالم
والليل لوطال ساعة لا بد له من أخر
وبن على وأمثاله عبرة لكل ظالم
دا العدل دولته قايمة لحد اليوم الأخر
ردك غريب يا وليد وله شجب وتنديد
عدوى وريح و أمصال وكلام فاضى
نسيت النوم فى العسل ولقمة القاضى
و بهيه حبيبتى راضية وأبوها راضى
نشيد الحروف من بين ألوف علينا تلوف
(ن)نفس مكسورة (ك) كرامة مهدورة
(ح)حرية معدومة (أ)أجيال محرومة
(ز) زلزال مفقود (ب)بركان منشود
(ن)نفس مكسورة (ك) كرامة مهدورة
(ح)حرية معدومة (أ)أجيال محرومة
(ز) زلزال مفقود (ب)بركان منشود
أصل الحكاية خوف ورضعناه
وحاسب اللى الحيطان لها ودان
ويا عم عش ندل وموت جبان
حفظناها وضاع معنى الأنسان
لما فرطنا فى حقنا جنينا العذاب
لما رضعنا الذل ولحسنا التراب
لما كل جمال الكون أصبح سراب
نعق البوم على القمة وساد الضباب
تحت التراب عايشين
مع الأموات ساكنين
من أوصافهم شربنا
الصمت ليوم الدين
مصر حبيبتى يا نور العين
طول عمرك سراج الدين
وحائط صد للملاعين
ربنا يحميك ليوم الدين
نور الحق عاوزإيمان
وفعل حقيقى مش كلام
وودان صاحية لأول أدان
وقطع أيد كل اللئام
تونس رغم اللهيب حتفضل الخضرا
بركان دم الشهيد بيرسم عهده الجديد
طرد منها العبيد وخلى بسمه للعيد
وشرارة حرية هبت من عند سيدى بوزيد
راح وغار فى مزبلة التاريخ
وغيره وشه زى الخريف
خايف يا عينى على الكرسى
وعمل علاوة عشرين رغيف
منين أجيب صاحب ينور لى الطريق
ينشلنى من غفوة زى المنقذ والغريق
يعرفنى فى الزنقة ويكون لى الطبيب
أعطى له نور عينيه وده حق الصديق
تلف على كل البلاد وتشوف عجايب
تلاقى للأنسان كرامة حتى وهو غايب
تلاقى لتعبك فايده و تحس بالفارق
لا تلاقى محسوبية ولا روتين ومتاعب
تلاقى للأنسان كرامة حتى وهو غايب
تلاقى لتعبك فايده و تحس بالفارق
لا تلاقى محسوبية ولا روتين ومتاعب
يا سيدى يا ما فى السجن مظاليم
وتغيير لسجن صغير بدل الكبير
ما أنتم بتقولوا حكومتنا ضد التغيير
وبتتفنن فى تعب و عذاب الغير
هموم كتيرة وشايلها يا جمال
صبرى نفد وأنا زى الجمال
كل اللى بنشوفه بيزيد الألام
وراحت من حياتنا كلمة جمال
أحنا الأسعد يا جميل
وأتمنى يا بنت نصير
تدعى لنا صبح وليل
نجتمع دايما على الخير
وأتمنى يا بنت نصير
تدعى لنا صبح وليل
نجتمع دايما على الخير
تحية حب لكل شاعر
بهموم الوطن شاعر
وسط طوفان المشاعر
وسلاحه قلم ساهر
من عيد خليل أحلى تحية لشعرا أد المسئولية
تحية لماجى وعمران ونجلاء وأميرة وسميرة
ووليد وأبوجمعة وأبو حمزة وأنوار وقابيل
شعرا وياهم تنسى الضلمة وتنسى الليل
محمد باشا السيد بيقول مواويل
نادية البرينى وأبوعبده منورين
ومحمد جلال وأملى فيكم الأمل كبير
سبنا معاكم ذكرى للأمل والخير
تحية لماجى وعمران ونجلاء وأميرة وسميرة
ووليد وأبوجمعة وأبو حمزة وأنوار وقابيل
شعرا وياهم تنسى الضلمة وتنسى الليل
محمد باشا السيد بيقول مواويل
نادية البرينى وأبوعبده منورين
ومحمد جلال وأملى فيكم الأمل كبير
سبنا معاكم ذكرى للأمل والخير
باقة محبة وشكر نهديها لهذا الجمال
لشاعرنا الراقي الأستاذ
الخليل عيد
وإلى باقة محبة أخرى وشاعر آخر
من المشاركين في مسابقة شهر يناير
شكرا لكم
/
/
/
ماجي نور الدين
تعليق