تويت
الشكر كل الشكر لك شاعرنا على مشاركاتك الرائقة
في مسابقة شهر يناير ..
وباقة محبة وتقدير أرسلها لحسك الشعري المتدفق في حب الوطن
وهذا تجميع لمشاركاتك الطيبة في المسابقة لتيسيير التقييم ،
والاستمتاع بقلمك الراقي ..
الشاعر الراقي الأستاذ :
>>> وليـــــد الوصيـــــف <<<
>>> وليـــــد الوصيـــــف <<<
نال عدونا الوسام
فى القهر والغدر والإستعمار
ونال فى بيوتنا مكان
وقاد فى شعوبنا النار
هما خونا مش كبار
باعو الوطن بالدولار
خسارة فيهم هدوء الليل
وشمس الوطن فى النهار
باعو الوطن بالدولار
خسارة فيهم هدوء الليل
وشمس الوطن فى النهار
دموع الوطن صبحت رخيصة
مسلم مسيحي أو أي مصري
بقينا أغراب والإيد الخسيسه
بتقتل بذور الوحده فى أرضي
هانت عليك روحك لحساب مين
لكارثه يكون فهموك أنك فى إسرائيل
وهتموت شهيد من أجل فلسطين
والجنه نصيبك مش جهنم وبئس المصير
دعاء الكل ها يستجاب أكيد
ما دام فى قلوبنا لسه نبض
ومادمنا مسكين بأيد من حديد
على حبنا وخيفيين على بعض
لملم جراحك يا شعب بجد
من غير شعارات وكلام مواويل
أصل الضعف زاد ع الحد
وراح ندمر جيل ورا جيل
من غير شعارات وكلام مواويل
أصل الضعف زاد ع الحد
وراح ندمر جيل ورا جيل
هو كده الحب يا نجلاء مفضوح
بظهر فى النور ويداوي الجروح
بفرق بين الخاين والصريح بوضوح
برغم كبريائه عناده قسوته ليه بنروح
بظهر فى النور ويداوي الجروح
بفرق بين الخاين والصريح بوضوح
برغم كبريائه عناده قسوته ليه بنروح
هاجم يا حب كل القلوب وأنتصر
خلي الخير فى الأمه يعم
أنت السبيل بالمفيد المختصر
لأنقاذ الأمه م الألام والهم
خلي الخير فى الأمه يعم
أنت السبيل بالمفيد المختصر
لأنقاذ الأمه م الألام والهم
كافح وأتكلم بصدق وسيبك
م الباقي ربك كفيل به
مش هيصيبك غير نصيبك
وكفنك لوحدك راح تسكن فيه
م الباقي ربك كفيل به
مش هيصيبك غير نصيبك
وكفنك لوحدك راح تسكن فيه
ماهو أسهل شيئ الكلام
وأكتبلك فى الجمال ألفين ديوان
لكن الحقيقة وضحه من غير كلام
الشعب مطحون وكمان مُهان
أجيال فى الحضيض وبتقول أنا
كلمه ما قلهاش صلاح الدين
ودول لا طالو أرض ولا طالو سما
والازمه فى كلامهم ما تعرفش أنا مين
كلمه ما قلهاش صلاح الدين
ودول لا طالو أرض ولا طالو سما
والازمه فى كلامهم ما تعرفش أنا مين
شاور نفسك مليون ألف مرة
قبل ما تقول كلمة حق
لأن الحقيقة يا صاحبي مرة
ونجاه فى الأخرة لكن الدنيا لاء
قبل ما تقول كلمة حق
لأن الحقيقة يا صاحبي مرة
ونجاه فى الأخرة لكن الدنيا لاء
مهما كنت من الصقور قريب
أحساسك بضعفك هيموتك
لأنك طير ضعيف وطيب
وماشي فى سكة مش سكتك
أحساسك بضعفك هيموتك
لأنك طير ضعيف وطيب
وماشي فى سكة مش سكتك
راح العمر مني فى لحظات
كالحلم لسه حلم مش حقيقة
ككل حلم حلو مات
فى عيونا كعيوف أطفالنا البريئة
كالحلم لسه حلم مش حقيقة
ككل حلم حلو مات
فى عيونا كعيوف أطفالنا البريئة
هم ما يتلم الجامعة فيها بلطجية
وبدل القلم الطالب شايل بلطه
وسيوف فى الحرم الجامعي معدية
وبقولو التعليم تمام مش فى ورطه
روح الحق فى كلام الصدق الموزون
وكرباج السجان بيعامل الصادق بضمير
بخيره لتبعد عن الصدق لحولك مجنون
وأنا فى الأساس مجنون وأظن جنوني خير..
وعجبي
نار ورصاص وإنفجارات فى بلدنا
وكل الضحايا فى النهاية ولدنا
والحزن طال أطفالنا وطال أعيادنا
وسؤالي.. باقي أمل فى إنقاذ حياتنا ؟
نادي يا أمى يا محروسة أجيلك
عذابي فى حضنك جنة غربتي
أترمي فى حضنك أرتوي بنيلك
وأبني فى أرضك يا غالية تربتي
كوى قلبي يا غاليه البعد عنك
وبقيت تايه فى درب عتمه
ولا يزول همي غير لما أشيل همك
اللي طول عمرك متحملاه وكتمه
وبقيت تايه فى درب عتمه
ولا يزول همي غير لما أشيل همك
اللي طول عمرك متحملاه وكتمه
مين إللي زعلان ع الشهداء
أكتر منك يا أم الجميع
الشعب ممكن ع الشهداء
لكن أنتِ زعلك ع الجميع
راوي السموم عايش فى عروق الوطن
أسمه خيانه ورشوة وفساد
والكل ملهي وما فيش شهيد غيرالوطن
وإللى هايص تجار السم فى البلاد
أسمه خيانه ورشوة وفساد
والكل ملهي وما فيش شهيد غيرالوطن
وإللى هايص تجار السم فى البلاد
ناسيين عدونا الأخطبوط
وبقى لينا أعداء جوا الوطن
بقينا فى حصار.. مظبوط ؟
ولا ما زلنا أبطال يا وطن
نور أيه يا نجلاء فى ظل الفاتورة
عماله تزيد والحسابه بتحسب
والغيلان فى البطش دايماً منصورة
ولا عمرها للأخرة راح تحسب
لو كان الشعر صانع معجزات
لقتلت العدو والغول بالأبيات
ولكنه فى ظل الغيلان أصبح
مجرد تخفيف للألم والأهات
لقتلت العدو والغول بالأبيات
ولكنه فى ظل الغيلان أصبح
مجرد تخفيف للألم والأهات
سلام وأمان على كل لفته فى شوارعها
ودى حقيقة فى أرضها وفى قلوب جيلها
محروسه دايما من أي خاين راح يبعها
للخاين سم وللي يحبها سكر مياه نيلها
ودى حقيقة فى أرضها وفى قلوب جيلها
محروسه دايما من أي خاين راح يبعها
للخاين سم وللي يحبها سكر مياه نيلها
راحه وسلام وأمان فى مدخلها
وأحلف بالله مافي زي جمالها
ومافيش نيل فى العالم غير نيلها
والغريب والقريب م القلب بغنيلها
وأحلف بالله مافي زي جمالها
ومافيش نيل فى العالم غير نيلها
والغريب والقريب م القلب بغنيلها
كل من خانك راح يموت
وقدره على كل الصعاب
والكل عمره راح يفوت
والأخره خالية من العتاب
رسمت إسمك يا بلدي على كل أوراقي
وكل ورقه كان واضح فيها إشتياقي
وكل الوصف عاجز عن وصف إنتمائي
وبرغم كل الرغم وفائي ليكِ باقي
وقدره على كل الصعاب
والكل عمره راح يفوت
والأخره خالية من العتاب
رسمت إسمك يا بلدي على كل أوراقي
وكل ورقه كان واضح فيها إشتياقي
وكل الوصف عاجز عن وصف إنتمائي
وبرغم كل الرغم وفائي ليكِ باقي
ريح وهتعدي بفوز تونس الحرة وبس
والعدوى مش ممكن تصيب شعب مصر
عشان شعب تونس بالظلم والقهر حس
وحكومة مصر عندها للشعب ألف مصل
مصر البهية يا بشر فى قلوبنا
ومهما تدهس فينا ديبين فى همومها وعن حبها منتوب
وأكتر من حبها لينا بنعشق تربها
ويوم ما يقل حبنا ليها تبقى صدورنا مفهاش قلوب
همس وغمز وكلام مش مفهوم
بقول إن بن علي هيصيبه جنون
لو عاش فى عزله لحاله كم يوم
أدعو ربنا يبعت له كم رئيس م الكون
بقول إن بن علي هيصيبه جنون
لو عاش فى عزله لحاله كم يوم
أدعو ربنا يبعت له كم رئيس م الكون
نامي يا محروسة وطنشي ولادك
إللي كانوا سبب فى كل أمجادك
وأبقى عرفيني أيه طعم أعيادك
فى ظل قهر وذل وظلم أولادك
أصرخ يا مصري صرخة حره تونسية
وأرفع بصوتك وعلمك وقلمك راية الحرية
من غير إنتحار تخسر فيه الأخرة والدنيا
وتهدم حضارة صدى صرختها مداوية
هون علينا الشعر كتير من الألام
وطول عمر الشعر كان حمال
بوصف هموم الناس بالحكمة والأوزان
والشاعر كل هدفه تجميل الصورة بالخيال
باقة محبة وشكر نهديها لهذا الجمال
لشاعرنا الراقي الأستاذ
وليـــــد الوصيــــف
وإلى باقة محبة أخرى وشاعر آخر
من المشاركين في مسابقة شهر يناير
شكرا لكم
/
/
/
ماجي نور الدين
تعليق