صاحبة الرقه
======
للشاعر/ محمد عبد القوى حسن
عضو اتحاد كتاب مصر
========

اهداء الى من كتبت اليها رقيقة الاحساس
واعز واغلى الناس حبيبتى
=========

عامله ايه

واحشانى موت

وواحشنى كلامك

وواحشنى طيفك

وحشانى ضحكة من عبيرك

وابتسامة شوقك

وامل من بين كفوفك

وصبح جميل

ملان حكايات

انت ابتسام الرضا

وانت عيون المها

وانت الحنين اللى جاى

من سموات الصحاب

وانت ابتسام

نسمه صبا

وروضة حنان

برقة الياسمسن

وامانى جايه

من على بحر السنين

تحضن الفرحه ف عيونى

وتنادى للعاشقين

نشرب معاهم شوق محبتنا

ونهادى للورد رقيق صافى

انت تقولى عوافى

وانا مرحبتين

يانور العين انت

انت يانور العين

ساعه ظهورك يغنى الكون

وارقص انا لطيفك