تويت
شوق وحنين
إلك حبي وحنين ساكن بقلبي
وإلك شوق منا الجسم ينحل
إلك بعيوني نظرات هامت بوجهك
وغير تفاصيلك ما عاد تقبل
إلك بلساني كلام من الهجر
حامل عتاب يتمنى يمك يوصل
إلك بأنفاسي صرخات من الحنين
وإلك جنون العشق ما يعقل
إلك حرقة بأنفاسي وونه وآهات
وإلك لهفة لضمتك ولوعة طفل
طيفك أشوفه ساكن بكل مكان
بوجوه الناس آراه ذاك متمثل
صرت باسمك كل الناس أصيح
واسمك حبيبي من حنيني تكمل
أشد الشوق لوصالك وما ألقاك
وأرد ساكت بدموعي ودمعي يتوسل
طوّل فراقك علي يا غالي
شقل للدمع من عليك يسأل
أرسلتك ألف مرسال عني يخبرك
عن حالي بلكي عني تسأل
ياما عاتبت صورتك وإلها ضميت
حنت علي صورتك ولونها تبدل
بين همي للناس وما شكيت
هم الشامت عني صار يسأل
حسين نزار العرفي
تعليق