تويت
قصيدة النيل ينادى {دكتور صبرىإسماعيل}
النيل ينادى
*******
أشعار الدكتور/صبرىإسماعيل
*****
النيل ينادى يابلد لبّى
دا الحزن دابح صدرى ومخبّى
صهيون بيخنق نبع شريانى
يامصر قومى واتبعى دربى
*****
باجرى بشوقى ل أرض عطشانة
والزرع يحِيى الفرح جوّانا
إبليس بيرمى الشرّ فى جَنوبى
والظلم خلّى كِلمته دانة
*****
بانده عليكم واستجير بيكم
خيرى اللى جارى تحت رجليكم
لو تهملونى هاتخطف منكم
والأرض تِشرَق من جفافيكم
******
إيدكم فى إيدهم تِنتهى الغُمّة
مشروع يزيد الميّة والهِمّة
وبإذن ربّى تصبحى بلادى
مصر اللى دايماً دِرْع للأُمّة