تويت
تعبان أوي مـ الوِليه
***************
***********
********
*****
**
*
*
يا خالق البريه
تَعـبَان أوي مـ الوِليه
************
بِتْعكر دمّى دايماً
و تخلّص عـ المَهيّه
الظَالمه المُفتريه
داخله فـ مِية جمعـيه
**********
و كُل يوم مَشاكل
و أنا خايف من قضيه
تِخلعنى و أبقى ضايع
مَخْلوع و بِلا هويّه
***********
إِيدها تِقيله و رَزِيّه
تِمشى عماره معديه
لو صُوتي بسّ يِطلع
بتهدّ البِيت عـَليّا
***********
دي بتُقعد عـ العِيال
لو غِلطوا فـ السؤال
أو راحوا للبقـّال
أو جريّوا فـ يوم عـَـليّه
**********
بِتْخَـلّص كُل الأَكل
و لا أجدع أُسرة نمل
تِعشق خِناقات الأهل
و بتشتري الأذيّه
**********
دايماً جايبه الجيران
و تذيع زي الإعلان
رغى و لتّ و إدمان
للكدب و للبليه
*************
فـ البيت دايماً أنضف
أطبخ و أغسل و أشطف
لو أكون فـ الحق مُـنصف
بتنيمني فـ نمليّه