تويت
انا مصري
يا اسم منسوج جوه قلبي بالشجن ..
يا كل حلم حلمت بيه لكنه يا خسارة اتركن
انا دمعتك وقت الشدايد والمصايب والمحن
وانا اللى ماسك فيكى فاس وانا اللى واقف ع المكن
وانتى اللى فى قلبي وطن وكنت انا ليك سكن
انا ابنك اللى من زماااااان قالك بحبك .. فاتسجن
....
شفت الخسيس فيكى بيبنوله مقام
يحكم على رقاب العباد قابض بايده ع اللجام
وانا برضه اللى قلت ما كفايه يا ولاد الحرام
وانا اللى شفت فى عز ام الضرب
زماميره دايره تقول بإن كل شئ تمام
...
وانا اللى خدت حق الغلب حصري
وانا اللى متأخر وهما يقولى عصري
وانا اللى شفت الفرحة فى عنيهم لجرحي
ونصرهم مش هو نصري
وانا اللى فى التحرير وقفت..وانا اللى على ارضك صرخت
انا ابنك .. انا سندك
نفسي فى هواكي وعرقي جوه النيل بيسري
اسمي انا واسم ابويه وجدي ..مصري
عادل موسى
تعليق