تويت
قصيدة يسلم جيش المصريين {الدكتور صبرى إسماعيل
يسلَم جيش المصريين
*******
أشعار الدكتور صبرى إسماعيل
******
الثورة وجيشنا اللّى حماها-------وبيحقن دمّها جوّاها
سبحانه ربّى علاّها---------وبفضل جنودنا الصامدين
يسلَم جيش المصريين
من عهدك يااحمد ياعُرابى--الجيش المصرى بيعلابى
بجنودنا الثوار وحِرابى-----------تتفجّر فى المُحتلّين
يسلم جيش المصريين
مع صرخة أبطالك,جيشنا--على ظالم بيحارب عيشنا
واتحقق أحلامنا وعشنا-----مع ناصر ورِجال جامدين
يسلم جيش المصريين
صديتوا العِدوان الغادر-------بريطانيا وفرنسا وفاجر
بِسلاحكم والعزم القادر---على حِفظ الأرض مع الدين
يسلم جيش المصريين
وصمودكم فى الإستنزاف-وبناركم صهيون ياما شاف
رجّعتم عهد الأسلاف---------والشاهد رب العالمين
يسلم جيش المصريين
واكتوبر خوّف بارليف-------واتحطّم عِنوان الزيف
واهى عادت سيناء بالسيف--—ومعاها أمجاد حِطّين
يسلم جيش المصريين
وبيحمى حدودنا الدولية-------وبيبنى دروع التنمية
ويأمّن أحلامنا الجايّة--------ولشعبِك يام الصابرين
يسلم جيش المصريين
وبحضنك خدت الملايين--من ثورة خمسة وعشرين
تحريرنا راعى الميادين------ياأسودنا فى قلب عرين
يسلم جيش المصريين
لاخدعكم بوشهم ومبارك----ولاخُضتم ضدينا معارِك
ولا حِزب الفاسدين البارِك-على صدرك ياام الفراعين
يسلم جيش المصريين
ياجيشنا ميت ألف سلام----------يحميكم رب الأنام
على إيدكم يبقى ل قدّام-------شعبنا شعب المصريين
يسلم جيش المصريين
تعليق