سَفَر سَفَر
دايما شَغِلني بالسَفَر
سافِر خلاص مش حَ منعَك
ولا بِيدِي حاجَه ترَجَّعَك
لكن تشاوِر بالوداع !!
دا مُش كِفايَه
انا مش حبيبتَك ؟ ولاَّ اختراع !!
ولاَّ إيه أصل الحِكايَه
عايزاك قريب مِنّي تقول لي واسمَعَك
اسأَل تِجاوِب.. اعرف مصيري وودَّعَك
مش حَ سأَلَك امتى الرجوع
ولا حَ قول خُذني معَك
ومش حَ عَبَّر بالدموع
ولا أيّ حاجَه بتوجَعَك
حَ فترِض إنك غريب والصُحبه عابره
وإنك الباقي هِنا وانا المسافره
امشي كِدَه ؟
من غير رِضى ؟
ما يهونشِ ولا زوئي بيسمَح
قلبي الحنون.. ازّاي يهون
يسيب لَك الحيره اللي تِجرَح ؟
لكن خُسارَه وانتَ الجَحود
ولا قلبي لَبيض زَيّ قلبَك
تمشي خلاص من غير وعود؟!
بدِّدت اوهامي بِحُبَك
من النهار ده حبل الوداد بينَّا اهترا
وايّاك تظُن انّي حَ حِن تانيه لورا
خلاص خلاص
قلبي حَسِدّوا بالرصاص
مش حَ شغِلُه
ولا حَ سأَلُه
مين اللي ضاع
مين اللي باع
ومين اشترى
سافِر خلاص
................
وتحياتي