تويت
أحلام زوزو {الدكتور صبرى إسماعيل
أحلام زوزو
*****
أشعار الدكتور صبرى إسماعيل
****
وسِط دروب الريف النائى------كان فيه بنت صبيّة مليحة
تيجى تروح وبشكل فجائى--راسمة يا ناس أجمل تسريحة
تمشى بكل لطافه وخفة----حصوة فى عينك ياللى تشوفها
جالها عريس وعريس وعريس--كلّه عايز يختارها ونيس
*******
لكن زوزو احلامها كبيرة------فاهمة الدنيا بصورة مثيرة
ضغطوا عليها قالت يابَه------دااحنا فى وِسط الكفر غلابه
عايزة اتنطق, عايزة أءب--------واحلم زى الناس وأحب
عايزه مذيع من أهل البندر------أو مطرب مشهور متغندر
هى كتيرة عليّه الفيلاّ---------ولاّ راضى لى بعيشة مُذلّة!
نفسى اتكلّم فى الجوال-----------وأركب كاديلاك أد الحال
يصبح ملكى شاليه فى مارينه-واسكن زى الناس فى مدينة
*******
قال على عينى يا بنت يازوزو---بكره كلامى يابنتى نعوزه
إحلمى حِلمك بالمعقول-----------زى بنات الريف بأصول
إوعى تعيشى فىحلم وزيف----اِحلمى بس بدون تخاريف
لاحسن موج الحلم يشوطك----------تتبدّل أحلام الطيف
تعليق