تويت
قصيدة فلسع {الدكتور صبرىإسماعيل
فلسع
******
أشعار الدكتور صبرى إسكماعيل
*****
وقّّّع وامشى بسرعة وفلسع
واعمل شغل حكومتك مرتع
اللى يأبّج رحبّ بيه
وارسم شكل الكاهن واخدع
*****
أنفخ دُخانك فى صدورنا
داحنا فداك وعيالنا ودورنا
زوّد بسيجارتك أحزاننا
ولا تشغل بالك بشعورنا
******
عطّل شغل الناس بخديعة
واعلن إنّ الظلم شريعة
لِفّ حزام ديناميت باِهمالك
خرّب فينا بصورة مُريعة
*****
واللى يجيلك اِوعده بُكرة
ولا تشغل بالك بالفكرة
وإن جه مرة ضميرك ينقح
قول له خلاص باى باى للذكرى
*****
وابقى اديّها كلام فى كلام
عيّش خلق الله ف اوهام
وارسم على وشّك تكشيرة
واجرى ف دنيا زحام فى زحام
*****
مايهزّك دعوة مظلوم
عاتب فينا بحُرقة ولوم
وان نَفَسك لوّامة ازجرها
يغريها حجم المعلوم
تعليق