تويت
لو كنت ابنها{الدكتور صبرىإسماعيل
لو كُنت ابنها
*****
أشعار الدكتور صبرىإسماعيل
*****
لو كُنت ياصاحبى صحيح بتحبّها
مرسوم على قلبك خريطة شعبها-----وانت ابنها
لو مرة سالت دمعِتك---------أو هزّ قلبك حُزنها
لو كنت عايش بالأمل ------إنّك يضمَك حُضنها
وبيجرى نهر النيل فى دمّك----ومعدنك من قمحها
إيدك بتزرع باليمين----------والتانية تِدفع عنّها
لو كُنت ياصاحبى, صحيح بتحبّها
يلاّ نِعمّر أرضها--نزرع غيطانها بالأمل ونلمّها
نبنى المصانع للعريش------وسينا تطلع شمسها
والأهرامات تِطلع ل فوق---تبقى المنارة وضِلّها
خلّى النهار يحيى الصدور--ماهو كُلّنا يبقى ابنها
ماتحرق المبنى البرئ—-ولا يوم ب شرّ تِمسّها
أو تِبقى مرة حِكمتك--------دانة تدمّر صدرها
مهما تدوّر أو تدور---أبداً ماتِلقى زيّها
أبداً ماتِلقى زيها
تعليق