تويت
فوق الرايات السمرا بَشب أحضن فـ السما
رافع دماغي لفوق لفوق ..حاذف همومك من قاموسى
حالف بنارك وإنصهارك فى الخدود
إنى عود أخضر فى شجرك وإنى مدفون ذكريات!
وإنك" الماضي والحاضر " فى ليلة واحدة
ليلة مسكونة بأهات!
وإنك إنتى طوق نجاتى م الغرق وإنك علامات "الاشارة"
فى أستمارة شوق لقلب بيتحرق
متدمعيش وتخبى وشك، دة إنتى حلمى أيوة حلمى
فى أستمارة شوق لقلب بيتحرق
متدمعيش وتخبى وشك، دة إنتى حلمى أيوة حلمى
اللى إتسرق....فصدقينى
الحكاية مش بتبدأ من هنا ، دة الحكاية من سنين
وسنين بتكبر
وسنين بتكبر
كنا نحلم بالربيع نحصد شتا ، كنا نحلم تانى أكتر!!!!!!!!!
الحكاية إن باب المشرحة أطول كتير
من عمر عشته
وإن ضحكة من عيونك مسحت كثير من دمع شوفته
الحكاية متنتهيش بموتى !!
ومتقوليش بردان سريره من حديد
متقوليش عريان بيحلم بالدفا وقت اما أنا ثوبى جديد
"أنا الشهيد"
اللى مدبوح فى حبك م الوريد لاخر وريد
.يعنى كل يوم زيارة محدش بيتعرف عليا
الوشوش بتتغير والنتيجه هيا هيا
وكأنك انتى أهلى وانتى ناسى وانتى حبيبتى اللى سموها بهية
ياريت تدفنونى بقى وتدفنوا معايا كل ضحكة وكل دمعة
وكل نقطة دم تصرخ بالاسية
وكل نقطة دم تصرخ بالاسية
الحكاية متنتهيش بموتى !!
وأنا اللى حضنه مليان رصاص لكن فرحته أكتر أكتر أكتر شوية...
هيقولوا كان مجنون هيقولوا كان مسكون هيقولوا كان معطوب
هيقولوا أكبر حب والفقيد محبوب
محمود شحاتة
محمود شحاتة