تويت
فاكره يا ماما؟(شعر عامي-للطفل)
فاكره ياماما
لما انا كنت البنت النونو
كل م بمشي بقع وادلع
ماما شيليني رجلي بتوجع
**********************
أجري واكركب كل حجاتي
الغميضه دي لعبتنا
لما أغمي عنيك اتخبى
وأعد من خمسه لعشره
ضحكك بيعرفني مكانك
أجري وراك وامسك إيدك
************************
-يلا معايا اديكي بسبوسه
دايما شهد الدنيا ف إيدك
آكل واشبع
تغسلي إيدي
واما الحر يزهق روحي
تملي البانيو تقولي :تعالي
هبا يلا يا كتكوته
وبسرعه حمي البطوطه
كنت ساعتها ذي القطه
وشي مدور ذي الفله
وعني حلوه عسليه
لكن الشعر قصير خالص
مربوط بفيونكه قطنيه
*********************
لماأصرخ ولا أعيط
تخديني ف حضنك وتغني
يا خساره مش فاكره غناكي
كنت بنام على طول على كتفك
واحلم بالكتاكيت والبطه
بيزغزغو رجليا وبضحك
والقاكي ف الحلم أميره
فوق كتفك جناحات دانتيلا
وتطيري حوليا حمامه
بيضا جميله
تحكي بصوتك حواديت فله
وانا ف الحلم جناحي صغير
*************************
نفسي أطير ذييك لفوق
وأبطل لدغتي دي وخوفي
واقدر أتكلم وحديا
أكتب واقرا
ألفٌ باء
وآجي ف عيد الأم اكتبلك :
(ماما حبيبتي
بعنيك أنا اشوف الدنيا
إنت الورده الحمرا البلدي
اللي مزروعه بجنينتي
يا رب يخليك تشوفي
كل ضفايري لما هتطول)
بنتك ياسمين الأموره
*********************
وأكيد برده هروح الروضه
واركب باصي الحلو الكاكي
وارجع بشهادتي درجاتي
فوق المسرح بكره اتخرج
والبس روب دهبي بشريطه
وامسك بهديه ف إيديا
بيصور بابا بالفيديو
وانت بتصقفي فرحانه
وصحيح إنتي بعيده عن عيني
مش شايفاكي
لكن بتدمعي تدعيلي:
يارب تخليها وتكبر
لما تتخرج م الجامعه
لما تتخرج م الجامعه
******************
11/5/2009
نهى رجب محمد
ٌ
لما انا كنت البنت النونو
كل م بمشي بقع وادلع
ماما شيليني رجلي بتوجع
**********************
أجري واكركب كل حجاتي
الغميضه دي لعبتنا
لما أغمي عنيك اتخبى
وأعد من خمسه لعشره
ضحكك بيعرفني مكانك
أجري وراك وامسك إيدك
************************
-يلا معايا اديكي بسبوسه
دايما شهد الدنيا ف إيدك
آكل واشبع
تغسلي إيدي
واما الحر يزهق روحي
تملي البانيو تقولي :تعالي
هبا يلا يا كتكوته
وبسرعه حمي البطوطه
كنت ساعتها ذي القطه
وشي مدور ذي الفله
وعني حلوه عسليه
لكن الشعر قصير خالص
مربوط بفيونكه قطنيه
*********************
لماأصرخ ولا أعيط
تخديني ف حضنك وتغني
يا خساره مش فاكره غناكي
كنت بنام على طول على كتفك
واحلم بالكتاكيت والبطه
بيزغزغو رجليا وبضحك
والقاكي ف الحلم أميره
فوق كتفك جناحات دانتيلا
وتطيري حوليا حمامه
بيضا جميله
تحكي بصوتك حواديت فله
وانا ف الحلم جناحي صغير
*************************
نفسي أطير ذييك لفوق
وأبطل لدغتي دي وخوفي
واقدر أتكلم وحديا
أكتب واقرا
ألفٌ باء
وآجي ف عيد الأم اكتبلك :
(ماما حبيبتي
بعنيك أنا اشوف الدنيا
إنت الورده الحمرا البلدي
اللي مزروعه بجنينتي
يا رب يخليك تشوفي
كل ضفايري لما هتطول)
بنتك ياسمين الأموره
*********************
وأكيد برده هروح الروضه
واركب باصي الحلو الكاكي
وارجع بشهادتي درجاتي
فوق المسرح بكره اتخرج
والبس روب دهبي بشريطه
وامسك بهديه ف إيديا
بيصور بابا بالفيديو
وانت بتصقفي فرحانه
وصحيح إنتي بعيده عن عيني
مش شايفاكي
لكن بتدمعي تدعيلي:
يارب تخليها وتكبر
لما تتخرج م الجامعه
لما تتخرج م الجامعه
******************
11/5/2009
نهى رجب محمد
ٌ
تعليق