تويت
مرشح نفسي للرياسه؟؟
بمناسبة الوشوش اللي بتطلع لينا
كل يوم علي الشاشات
اللي خطوتين و ع القبر
والوزرا السابقين واللاحقين
من ألشمال ومن اليمين
مرشحين للرياسة
وهم
بيقولوا لنفسهم
++++++
++++++=
الصراع هيكون كبير
هأبقي ريس مش وزير
بعد عمر أنا كنت ناسي
ثوره جات لي بالكراسي
كرسي
هأقعد فيه وهأهحكم
واللي يطمع فيا يعدم
والفقير يفضل فقير
الصراع هيكون كبير
هأبقي ريس مش وزير
شعبي كان من قبلي طيب
وعدي ليه
يفضل قريب
من حناني ومن كياني
مستحيل فيه حد تاني
غيري هيحل ف مشاكله
بصوا شكلي نفس شكله
شعبي صوب لم يخيب
وعدي ليه يفضل قريب
كرسي حكمك ده عشاني
وفميدانك
كان حناني
ثرت ثور
بعد ضلمه جاي يانور
شوفتوا نوري
مش أسير
الصراع هيكون كبير
هأبقي ريس مش وزير
عمري طال
ياما قلت حاضر
ياما زورت المحاضر
لما يأمر بأسمعه
يالا ألله ما يرجعه
اللي قاد ليناالسعير
الصراع هيكون كبير
هأبقي ريس مش وزير
كلمات
مدحت المرسي سليم