تويت
المقدّم والعساكر والأمين
المُقدّم والعساكر والأمين
********
أشعار الدكتور صبرى إسماعيل
******
المُقدّم والعساكر والأمين
كلّهم من أهل حارتى الطيّبين
إبن خالتى وابن جارتى واللّى ابوه عم اسماعين
*****
واللّى مادد إيده دايماً بالحنان
واللّى بادر للشهادة من زمان
واللى يجرى النيل فى دمّه بالأمان
*****
واللّى شارك فرْحْ غادة يوم فََرَحها
والمناضل واللّى بيطبطب جِراحها
واللّى شاف الفجر نوره واللّى ضحّى
****
واللّى صدّ الإنجليز فوق القنال
واللّى يسهر لاجل ماتنام العيال
واللى واقف ضد غابة الإرتجال
واللّى ضد الظلم ناضل واتقطع رِجله الشِمال
واللّى يوم الغدر خانه ساب لِنا ذُّربة عيال
*****
واللّى غارق فى المشاكل واللُذاذ
واللى ناجح بامتياز
بسّ فيهم زيّنا بعض النشاذ بعض الشواذ
*****
اللّى ظُلم الديكتاتور خلاّه يجاوز وانحرف
يرمى أبطالنا فى سجونه والجريمة هى الشرف
واللّى خان الشعب كُلّه وابتلانا بالقرف
حتّى لمّا الثورة قامت بالخيانة ما اعترف
*****
همّا طيف الشعب كُلّه بالقلم والمسطرة
اللى مِنّا بس يغلط نلتمس له المَعذرة
ربنا قال الذنوب ع الجميع متقدّرة
دا اللّى خانوا همّا زُمرة,
روح وشوفهم فى طرة
روح وشوفهم فى طرة
تعليق