تويت
هِزي الشجر هزي / ربيع عقب الباب
هِزي
يا وردة العزه
قلب الجمار لو جف
ها توقعه هبه .. هزي الشجر هزي
هزي فى كل مِدان
نور الحقيقة فصيح
هايجرّح الألوان
ما بين جميل وقبيح
ها نعدي ما نخافشي
دي مصر ما تهونشي
طول عمرها
فى حزنها
وف نصرها .. فذه
هِزى الشجر هزه
يا وردة العزه
قلب الجمار لو جف
ها توقعه هبه .. هزي الشجر هزي
بين الخطاوي إتأملي
الألف ميل
مد إ يديكي وارسمي
للصحرا نيل
رشّي النهار
في كل دار
و اتبسّمي
تحلو ملحة الانتظار .. شهد ومَعَزِه
هزي الشجر هزه
يا وردة العزه
قلب الجمار لو جف
ها توقعه هبه .. هزي الشجر هزي
تعليق