الأخوه المواطنون


===========
======
لما جالي الكرسي جالي==قلت قشطه مكتوبه لي
كنت جمبه ف المنصه
وهو باصص ف العلالي
راح لحاله بالسلامه
أما مصر
خلا هالي
قلت برطع يالا فيها
برضه أنا كنت ف ماضيها
واد مرقع حربي صايع
طرت عديت الموانع
تبقي حقي
إدوهالي
مصر يا أم الحضاره
حسني جايلك
بالبشاره
كل همي ارضي الفقير
وارمي همه ف بير كبير
يستريح منها فانيه
ليه يعاني منها ثانيه
والقبور للفقرا خير

000000
المهم أركب حصاني
وأمشي جنب الأمريكاني
هوا كان أحسن ضمير
كل شغلي إزاي أسره
كنت أعادي مين يضره
كنت أسالم والله عالم
كنت ليه زي الغفير
بأحمي دولة إسرائيل
أه يا عيني أه ياليل
لما جالي الكرسي جالي==قلت قشطه مكتوبه لي

كرسي دام 30 سنه==شفت وياه الهنا
والقرايب والحبايب
والبعيد شاف الضنا
وإنتو عارفين البعيد
ابن بحري والصعيد
نقطه سوده ف أرضنا
ياما سويته فرمالي
لما جالي الكرسي جالي==قلت قشطه مكتوبه لي
اللي معملتش حسابه==إنه يخرج من ترابه
كنت أنا مفتكره مات==من جموده ف السكات
وسط تستيفي ف مالي
أيوه مالي==أه يامالي
لما مال الكرسي تحتي==إيه مخرج منه ريحتي
إيه يا طيب إيه جري لي
اللي حوشته لعيالي
بتحاسبني كمان عليه==إيه جري للشعب إيه
فين حبيب االلي إسمه عادلي==إيه اللي ف التحرير قاعدلي
فين جنودي فين جمالي
اللي شايفه أكيد خيالي
مش هأسيبه كرسي جالي===وروا مصر إزاي قتالي

يتبع
مدحت المرسي سليم

الإخوة والأخوات
=====

لما مال الكرسي تحتي==إيه مخرج منه ريحتي
إيه يا طيب إيه جري لي
اللي حوشته لعيالي
بتحاسبني كمان عليه==إيه جري للشعب إيه
فين حبيب االلي إسمه عادلي==إيه اللي ف التحرير قاعدلي
فين جنودي فين جمالي
اللي شايفه أكيد خيالي
مش هأسيبه كرسي جالي===وروا مصر إزاي قتالي
حسني مش ممكن يطاطي==شعبي يرجع تحت باطي
المشاغبين إجمعوهم==إدهسوهم إفعصوهم
لو يصلوا غرقوهم
جمعه جمعه
مين داعايز يطفي شمعه
إطفوا عمره
مايسوي دمعه
اللي بيقطع ف صورتي==هوا يمشي؟؟ خلاص خسرتي
مصر يا أم الحضاره== إيه جري لناسك خساره
يحرموكي مني ليه==شعبي مين فتح عينيه
كان مغمض ليل نهار==ليه ف لحظه عليا ثار
جمعه يغضب==جمعه يطلب
حد عامل فيا مقلب
إيه بيجري==إيه بيحصل
حتي جيشي
عايزني أرحل
مستحيل طالت ليالي==مستحيل يا كرسي جالي
إيه يا عز اللي جري==فين جمال المسخره
إيه يا صفوت إيه يا سوزي==ليه يافتحي لا ويلي بوزي
فين موافقاتك وفين==اللي كانم طيبين
اللي لابدين ف الميدان==إيه ف أجندتهم كمان
مش عاجبهم ليه نظيف==يالا شلناه الخفيف
يالا غيرنا الوزاره==قول يا شفشق مية خساره
لما مال الكرسي تحتي==إيه مخرج منه ريحتي
والله ولا كان يوم ف بالي==يجري ربع اللي جري لي
لما جالي الكرسي جالي===قلت قشطه مكتوبه لي

يتبع

مدحت المرسي سليم