-
-
علمونا إزاي نخاف
ويموت معانا حلمنا
علمونا إن السكات
أمر جاي من ربنا
أخذوا البطل للمعتقل
راجع جبان مش زينا
والنيل بيبكي كل يوم
في كل بيت من حينا
يمسح دموع التعبنين
والشقيانين والمحتاجين
من شعبنا
قسم رغيف العيش
علينا كلنا
لملم دموع الأرملة
من فوق رصيف
وبنت حلوة صغيرة
نامت في أحضان المزابل
تحت كوبري في ليل مخيف
واخويا مات من غير دوا
لما حبك انكوى
مبعش أرضه ومات نضيف
لأنه كان راجل شريف
صوت الأذان ويا الجرس
أجمل نغم
لو يسألوني تحب حنا
وأخوك ملاك
طبعا نعم
الدين لربك والوطن للمسلمين
وللنصارى الطيبين
واللي تولد فيك وعشق
أرضك ونيلك والسما ويا السنين
ياللي انت تعرف ربنا
وتحب دينك زينا
حرقت ليه بيت ربنا
الشخص ده مش مننا
ومنعرفوش
مصر الحبيبة الطيبة
دمعة عينيها قريبة
تلاتين سنة متغربة
عاشت معانا في حلمنا
وف قلبنا وف دمنا
شالت كتير من همنا
خافت علينا كلنا
وحببتنا في بعضنا
كتبت على جبين الهرم
إن التسامح شرعنا
شعر محمد الخولي -
الحمد لله عدت هذه المرحله
وندعوا الله ان يكون القادم افضل
تحياتى لقلمك ولك
...احمد الشناوى...تعليق
تويت
تعليق