[frame="6 80"]
أحلى كلام في الحب الك
وحدك انا قلتو
لما وعدتني عيونك يوم
شفتك والفرح طاير
يسابق قلبي الحاير
شفت عيونك بترقص
على دقت قلبي الولهان
وصار الشوق يتمختر
بين العين تلاقي العين
ولا تحتار

هنا قلبين
جمعهم شوق

شفتك البدر طالع
تمام الطله
وعيوني بتندهلك
تعالي في قلبي مسكونك
وجمالك طير البرج الي باقي
في راسي
وسهمك ذوب احساسي
لا تقسي علي بنظرة
انا حسي شفيف
وبيكي متوصي

وأنا مشدود بتأمل
غزال البر
ما اتحمل
يا حبي سحرك الفتان
انا انسان
انا بحب الحب لما
قلبك يحرك سكون الكون
وبحب يغطي الشمس
بعز الظهر
شلال الشعر فوق اكتافك
انا انسان ان شافك
ما ظني انو العقل
بعد طله
في راسي يظل

محمود ابو اسعد
فلسطين[/frame]