تويت
دكتاتور العشق طولك من تمر فتنة
يعصر كلوبنا حيل
نختلس النظر على صدرك
وبيك نحلم نهار وليل
انت مو مثل البشر
من طين سواك ربي ولا مثل الجن من نار
تسرج أصايل الخيل
أخذ صفنة من سواك من نعنع وريحان
ومن ورد جوري ..وكثر عليك الهيل
تعصر قلوبنا من تمر على الدرب
وعيونك تكول .. حيل
صاحت النسوان من غيرتها هواري
والزلم صاحت ياويل
ما تكفي وصفك كل القصائد
ولا ترضي غروروك مواويل
بس دقيقة بحضنك يا غالي
وبعدها يتهموني بالفسق ...ويرموني بحجر سجيل
---------------
جمع ملايكة الحُسن ربي
وعليها علاك
خلق الجمال بالورد والغزلان
وأول معجزات الحُسن خلاك
خلق ربي الحوريات والبحر والموج والشط والرملة وصيفات الغزل
ونحن البشر ملك توجناك
عطر صافي وياسمين وقرنفل وندى الورد عجنها ربي
ورش عليها شوية تراب.. من سواك
مغرور وصدرك قليل الأدب
يا ترى انت ربيتو لو هوا ربّاك ؟
-----------------
يطلّلعك ياحلو
يل تاكل حلو وتشرب حلو
ومن تغمض عيونك يذبل ورد البساتين
ومن تصحى الصبح ...يفتح القداح
بعز دين الصيف ونارالجزيرة بس انت تمر تهب نسمة فرح
وقلوبنا تكول.. آح..
- ظالم وبظلمك رضينا
وأيدناك دكتاتور العشق
وبروح نفداك بالدم.... وترخصلك الارواح
مسيرات تأييد لطولك الفتنة
حاكمنا للأبد أنت
لاتغيير بدنا ولا بدنا إصلاح
بس نظرة علينا من تمر
ما راح تخسر شي
وخلي قلوبنا ترتاح
تعليق