تويت
أنا زعلان منك يا لسانى
أنا زعلان مِّنك يا ِلسَانى
من الآخر راح أخَاصمَك تانى
مَهْما تقول راح أسِدّ وِدَانى
و لو ما سكتّش
لو ما همدتّش
راح أقـُصّك و أقول ما قَصَدتش
ما أنا مش عَايزك تِتحَدَانى
دايما كِده تِعمِل ليّ مَشَاكِِِل
و بتِتْخانِق و بِتِتْشاكِل
و بتِتْعَارِك و أنا بتتَاكِل
عالقَفَا و إنت تِلَوكلَوك تَانى
أنا زعلان مِنّك يا أقلامى
دايماً كِده تِكْتِبى ف أََسَامِى
ليّه بتِغلَطِى فى الجِنس السَامى
مش كُل اللى سَرق يِبقًى حَرامى
و المُرتَشى ف الأصل عِصامى
و اللى إبتلى بِخَراب الذِمّه
دَي مَرِيض عـُمره ما كان إِجْرَامى
طَبْعُه الطِيبه مَاكَانْشِى أنَانى
دي الغَلبَان اللي مَالوش دَعوّه
اللي ضميره إرتاح على سَهوّه
و اللي من الحق أخد غَفوّه
و اللي الشَرّ معاه كان هَفوّه
و اللي خَرج مِن النُور يتهَوّي
و اللى يِخاف من الذوق يسْتَهوّى
و اللى إتلخبط و اللى إِتشتِت
و اللى إِسْتَعبَط و اللى مِغَتت
و اللى العَدل فى فِكرُه يِمَوّت
و اللى فَقَد شِقُه الإنْسَانِى
أنا زَعلان مِنّك يَا خَيالى
دايماً كِده فى الفِكر العَالى
على فين رايح ؟
فِكْرَك جاَرِح
عَقْلك شَاطِح
حِلمَك بَالى
مِن إمتى بتِبيَض لََيَالِى ؟
مش م الوَحل هيطرّح تَمر
و لا بِالجَلّد هَتبِقى الغَالى
و لا راح ييجى الهوى بالأمر
و هقول إيّه لو فَاض مَوّالى ؟
كل كلامى هيطلع مرّ
كل دِموعى هتحدف جمرّ
مسجون جُوه كيانى الحُرّ
مسجون جوه كيانى الحُرّ
و شَرِيد مِن غِير أي مَعَانى
أنا زعلان مِنّك يا لِسَانى
من ديوان
من يوم ما غاب القلب 2009
أنا زعلان مِّنك يا ِلسَانى
من الآخر راح أخَاصمَك تانى
مَهْما تقول راح أسِدّ وِدَانى
و لو ما سكتّش
لو ما همدتّش
راح أقـُصّك و أقول ما قَصَدتش
ما أنا مش عَايزك تِتحَدَانى
دايما كِده تِعمِل ليّ مَشَاكِِِل
و بتِتْخانِق و بِتِتْشاكِل
و بتِتْعَارِك و أنا بتتَاكِل
عالقَفَا و إنت تِلَوكلَوك تَانى
أنا زعلان مِنّك يا أقلامى
دايماً كِده تِكْتِبى ف أََسَامِى
ليّه بتِغلَطِى فى الجِنس السَامى
مش كُل اللى سَرق يِبقًى حَرامى
و المُرتَشى ف الأصل عِصامى
و اللى إبتلى بِخَراب الذِمّه
دَي مَرِيض عـُمره ما كان إِجْرَامى
طَبْعُه الطِيبه مَاكَانْشِى أنَانى
دي الغَلبَان اللي مَالوش دَعوّه
اللي ضميره إرتاح على سَهوّه
و اللي من الحق أخد غَفوّه
و اللي الشَرّ معاه كان هَفوّه
و اللي خَرج مِن النُور يتهَوّي
و اللى يِخاف من الذوق يسْتَهوّى
و اللى إتلخبط و اللى إِتشتِت
و اللى إِسْتَعبَط و اللى مِغَتت
و اللى العَدل فى فِكرُه يِمَوّت
و اللى فَقَد شِقُه الإنْسَانِى
أنا زَعلان مِنّك يَا خَيالى
دايماً كِده فى الفِكر العَالى
على فين رايح ؟
فِكْرَك جاَرِح
عَقْلك شَاطِح
حِلمَك بَالى
مِن إمتى بتِبيَض لََيَالِى ؟
مش م الوَحل هيطرّح تَمر
و لا بِالجَلّد هَتبِقى الغَالى
و لا راح ييجى الهوى بالأمر
و هقول إيّه لو فَاض مَوّالى ؟
كل كلامى هيطلع مرّ
كل دِموعى هتحدف جمرّ
مسجون جُوه كيانى الحُرّ
مسجون جوه كيانى الحُرّ
و شَرِيد مِن غِير أي مَعَانى
أنا زعلان مِنّك يا لِسَانى
من ديوان
من يوم ما غاب القلب 2009
تعليق