تويت
القدر مش ملك ايدنا
والحياة ما كانتش ظالمة
والقلوب اللي باعتنا
م البداية طريقها عتمة
خطوة خطوة ومشيناها
تبتسم نضحك معاها
اتخدعنا وحبناها
قيدنا شمع ف سكة ضلمة
***
قولنا حنغيّر مسارها
قولنا نبني مهما كان
قولنا بالاخلاص مسيرها
تبدر الرصفان حنان
قولنا ياما وياما قولنا
وف طريقها بشوق سافرنا
واما جينا نعيد حسابنا
خطوة جرح وخطوة صدمة
دي القلوب اللي بعاتنا
م البداية طريقها عتمة
***
كل ثانية تفوت جروحنا
تنزف الأيام دموع
كل جرح يشق روحنا
ننتفض ضد الخضوع
اللي كان الورد ليهم
واللي دبل الورد بيهم
واللي دوقنا ويايديهم
معنى طعم الموت ف كلمة
والحياة... ما كانتش ظالمة
.........................
تعليق