[GASIDA="type=1 bkcolor=#CCFFFF color=#330066 width="100%" border="4px groove #CC0033" font="bold large 'Mudir MT'" bkimage="""]مـدرك انه مايصيب الا الـقـدر =والـبـشر مهما بقى يرجع تراب

وادري حظي عن طموحاتي قصر=معتزل مبطي عن الفرحة وتاب

ياحـروف المبتدا هاتي الخبر= ليه وسط الصمت ضيعتي الجواب

كيف مات الــزهـــر بالروض الخضر !=لوسقاه العذب من صدر السحاب

انكشف لي واتضح زيف الصور=لوتراوغنا عناوين الكتاب

للظـروف احكام ، للغايــب عذر != لين بـيـّن وش ورى ذاك الغياب

في ثواني راحت احلامي هــدر=دارها ترقــع وحـــــوّمـهـا الغراب

والعيون اللي يسامرها السهر=مالفـاهـا من الرجى غير العذاب

طــق عرق الصــبــر من طول الصبـر=والامانى روّحــت كـذبـة ســراب

ليت درب الحب مافيها هجر=ليت اقسى اجروحها مـزحة عتاب

ياحـروف المبتدا مبغى الخبر= اللي عندك بطلبه يوم الحساب[/GASIDA]