بـكـل كـيانـي بـهـواكـي

وبحلم ابـــقى ويــــاكي

واشوف الدنيا بعنيكي

واخطّي الصعب باديكي

واعيش عمري وانا معاكي


ده انا عايش يادوب ليكي

وبهرب بين خطاويكي

وبحسب عمري بسنينك

واشوف حلمي على جبينك

وكل منايا ارضيكي


ملامحي خطوط على كفوفك

وبعشق نُطقي لحروفك

واقول امتى هنتلاقى؟

ولما تقولي مشتاقه

هكون عاشقك وملهوفك


وبحلم يوم تضُميني

واضُمك ضمّه تحييني

واكونلك حلم متفسر

وكل الصعب يتكسّر

يا عمري وأصل تكويني


وبحلم عِشرتي تصونك

واكون عاشقك ومجنونك

وتنسي الجرح ويعدي

ودمعك يجري فوق خدي

واشوف الضحكه في عيونك


واخاف تدبل امانيّـا

تكون ذكرى ومنسيّه

والاقي الدنيا واخداكي

وافوق من حلمي والقاكي

حقيقه لغيري مش ليا